ઈન્ડોનેશિયાના નીતિ નિર્માતાઓ અને સ્થાનિક વેપારી સંગઠનોના ઉગ્ર વિરોધને પગલે ઈન્ડોનેશિયાની સરકારે ભારતના અગ્રણી ઓટોમેકર્સ – ટાટા મોટર્સ અને મહિન્દ્રા એન્ડ મહિન્દ્રા પાસેથી ટ્રક ખરીદવાના વિશાળ ઓર્ડર પર અસ્થાયી રૂપે રોક લગાવી દીધી છે. ઈન્ડોનેશિયા ભારતીય કંપનીઓ પાસેથી 105000 ટ્રક ખરીદવા જઈ રહ્યું હતું.
ઓર્ડરમાં શું સામેલ હતું?
બ્લૂમબર્ગના રિપોર્ટ અનુસાર, આ ઓર્ડર બંને ભારતીય કંપનીઓ માટે ઐતિહાસિક હતો.
મહિન્દ્રા: કંપની આ વર્ષે 35,000 ‘સ્કોર્પિયો પિક-અપ’ વાહનોની ડિલિવરી કરવાની હતી. મહિન્દ્રાના જણાવ્યા અનુસાર, આ તેમનો અત્યાર સુધીનો સૌથી મોટો નિકાસ ઓર્ડર હશે.
ટાટા મોટર્સ: કંપનીના સ્થાનિક યુનિટે 35,000 ‘યોદ્ધા’ પિક-અપ અને 35,000 ‘અલ્ટ્રા T.7’ ટ્રક સપ્લાય કરવાના હતા. ઇન્ડોનેશિયા માટે ટાટા મોટર્સનો આ સૌથી મોટો ઓર્ડર પણ હતો.
હાલમાં આ નિર્ણય પર ટાટા અને મહિન્દ્રા તરફથી કોઈ સત્તાવાર નિવેદન આવ્યું નથી.
