કેચના મામલે ઈંગ્લેન્ડના વિકેટકીપર જોસ બટલરે ગિનિસ વર્લ્ડ રેકોર્ડ બનાવ્યો છે. જોસ બટલર ક્રિકેટ બોલથી સૌથી વધુ કેચ કરનાર વિશ્વનો પ્રથમ વ્યક્તિ બની ગયો છે. જોસ બટલરે આ રેકોર્ડ ઈંગ્લેન્ડના પૂર્વ ક્રિકેટર કેવિન પીટરસનની દેખરેખમાં બનાવ્યો છે. જોસ બટલર માટે આ પડકાર સરળ નહોતો. તેણે લગભગ 60 મિનિટ સુધી ડઝનેક વખત તેની તૈયારી કરી હતી અને છેલ્લા કેટલાક પ્રયાસોમાં તેને પૂર્ણ કરીને નવો ઈતિહાસ લખ્યો હતો.
જોસ બટલરે ડ્રોન દ્વારા છોડવામાં આવેલો કેચ 122 મીટર ઉપરથી પકડ્યો, જે જમીનથી લગભગ 400 ફૂટ ઉપર હતો. અત્યાર સુધી અન્ય કોઈ વ્યક્તિએ 120 મીટરથી ઉપર કેચ પકડ્યો નથી. જોસ બટલરે કેપટાઉનમાં આ ગિનિસ બુક ઓફ વર્લ્ડ રેકોર્ડ બનાવ્યો છે. અત્યાર સુધી આ રેકોર્ડ ઓસ્ટ્રેલિયાના ટિમોથી શેનોન જેબેસીલનના નામે હતો. તેણે સિડનીમાં 19 નવેમ્બર 2021ના રોજ 119.86 મીટર એટલે કે લગભગ 393 ફૂટ 2.897 ઇંચનું અંતર પકડ્યું હતું.
ઈંગ્લેન્ડ ટીમના આ દિગ્ગજ ખેલાડીની વાત કરીએ તો તેને આ રેકોર્ડ માટે 60 મિનિટનો સમય મળ્યો છે. તેણે 50 મીટરના કેચથી શરૂઆત કરી હતી. શરૂઆતના થોડા પ્રયત્નોમાં, તે સમજી શક્યો નહીં કે તેની સાથે શું થઈ રહ્યું છે. ધ સ્વિચ હિટ યુટ્યુબ ચેનલ પર શેર કરવામાં આવેલા વિડિયોમાં જોસ બટલર કેવિન પીટરસનને કહેતા પણ જોવા મળ્યા હતા કે આ કરવું મુશ્કેલ છે, જ્યારે વર્લ્ડ કપ જીતવો સરળ છે. બટલરે એમ પણ કહ્યું કે એમએસ ધોની અને એડમ ગિલક્રિસ્ટે પણ આવું ક્યારેય કર્યું ન હોત.
આ પણ વાંચો: શું T20 વર્લ્ડ કપમાં નામિબિયા સામે ભેદભાવ થયો હતો? ભારત સામેની મેચ પહેલા કેપ્ટને અવાજ ઉઠાવ્યો હતો
