ભારત અને દક્ષિણ આફ્રિકા વચ્ચે બીજી ટેસ્ટ ગુવાહાટીમાં રમાઈ રહી છે. આ મેચમાં દક્ષિણ આફ્રિકાએ પ્રથમ બેટિંગ કરીને 489 રન બનાવ્યા હતા. દક્ષિણ આફ્રિકા માટે, માર્કો જેન્સન તેની પ્રથમ સદી ચૂકી ગયો અને 93ના વ્યક્તિગત સ્કોર પર આઉટ થયો. જો કે, તેની ઇનિંગ દરમિયાન તેણે એક એવો રેકોર્ડ બનાવ્યો જે આજ સુધી કોઈ બનાવી શક્યું નથી. ભારત વિરૂદ્ધ ટેસ્ટ ઇનિંગ્સમાં સૌથી વધુ સિક્સર ફટકારવાનો આ રેકોર્ડ છે. આ લિસ્ટમાં માર્કો જેન્સને વેસ્ટ ઈન્ડિઝના દિગ્ગજ ખેલાડી વિવ રિચર્ડ્સને હરાવ્યા છે.
માર્કો જેન્સને તેની 93 રનની ઇનિંગ દરમિયાન 7 સિક્સર ફટકારી હતી, જે ભારત સામે એક ઇનિંગમાં ફટકારવામાં આવેલી સૌથી વધુ સિક્સ છે. આ પહેલા વિવ રિચર્ડ્સે 1974માં દિલ્હી ટેસ્ટમાં 6 સિક્સર ફટકારી હતી.વિવ રિચર્ડ્સ સિવાય ઓસ્ટ્રેલિયાના વિસ્ફોટક ઓપનર મેથ્યુ હેડને પણ ભારત વિરુદ્ધ એક ઇનિંગમાં 6 સિક્સર ફટકારી છે. તેણે 2001માં ચેન્નાઈ ટેસ્ટ દરમિયાન આ કારનામું કર્યું હતું, જ્યારે તેણે 203 રનની શાનદાર ઈનિંગ રમી હતી.
ભારત વિરૂદ્ધ એક ઇનિંગમાં સૌથી વધુ છગ્ગા
માર્કો જેન્સન – 7
વિવ રિચાર્ડસ- 6
