ICC મહિલા ક્રિકેટ વર્લ્ડ કપ 2025 સૌથી વધુ રન સૌથી વધુ વિકેટ- ICC મહિલા ક્રિકેટ વર્લ્ડ કપ 2025 ની ફાઇનલ મેચ રવિવાર, 2 નવેમ્બરના રોજ ભારત અને દક્ષિણ આફ્રિકા વચ્ચે રમાશે. INDW vs SAW ફાઈનલ નવી મુંબઈના DY પાટિલ સ્ટેડિયમમાં રમાશે. આઈસીસી મહિલા વર્લ્ડ કપમાં ભારતની આ ત્રીજી ફાઈનલ છે, આ પહેલા ટીમ ઈન્ડિયા 2005 અને 2017માં ફાઇનલમાં પહોંચી હતી પરંતુ ટાઈટલ જીતવાથી ચુકી ગઈ હતી. આ વખતે સ્મૃતિ મંધાના અને દીપ્તિ શર્માએ ભારતને ફાઇનલમાં પહોંચાડવામાં મહત્વની ભૂમિકા ભજવી છે. આ બંને ભારત માટે આ ટૂર્નામેન્ટમાં સૌથી વધુ રન અને વિકેટ લેનારા ખેલાડી છે. પરંતુ હવે આ બંને પછી, ICC મહિલા ક્રિકેટ વર્લ્ડ કપ 2025માં સૌથી વધુ રન અને સૌથી વધુ વિકેટ લેનાર ખેલાડીઓની યાદીમાં ટોચ પર રહેવાની આ છેલ્લી તક છે. ચાલો આ યાદી પર એક નજર કરીએ.
ICC મહિલા ક્રિકેટ વર્લ્ડ કપ 2025માં સૌથી વધુ રન
ICC મહિલા ક્રિકેટ વર્લ્ડ કપ 2025માં અત્યાર સુધી સૌથી વધુ રન બનાવવાનો રેકોર્ડ દક્ષિણ આફ્રિકાની કેપ્ટન અને ઓપનિંગ બેટ્સમેન લૌરા વોલ્વાર્ડના નામે છે. અત્યાર સુધી રમાયેલી 8 મેચોમાં તેણે 67.14ની શાનદાર એવરેજથી સૌથી વધુ 470 રન બનાવ્યા છે. આ વર્લ્ડ કપમાં લૌરા વોલ્વાર્ડ 400 થી વધુ રન બનાવનાર એકમાત્ર બેટ્સમેન છે. જ્યારે સ્મૃતિ મંધાના 389 રન સાથે યાદીમાં બીજા સ્થાને છે. મંધાના અને લૌરા વચ્ચે 81 રનનો અંત છે. જો લૌરા વોલ્વાર્ડ ફાઇનલમાં નિષ્ફળ જશે તો મંધાના પાસે તેને પછાડવાની તક મળશે.
લૌરા વોલ્વાર્ડ- 470
સ્મૃતિ મંધાના- 389
