નેપાળે ભારતને સ્તબ્ધ કરી દીધું જ્યારે તેણે દિનેશ કાર્તિકની આગેવાની હેઠળની ટીમ ઈન્ડિયાને હોંગકોંગ સિક્સમાં 92 રનથી હરાવ્યું. હા, તમે બરાબર સમજ્યા. ક્રિકેટના મેદાનમાં નેપાળના હાથે મળેલી આ હારથી ભારત શરમમાં મુકાઈ ગયું છે. 6 ઓવરની આ મેચમાં નેપાળે પ્રથમ બેટિંગ કરતા એકપણ વિકેટ ગુમાવ્યા વિના 137 રન બનાવ્યા હતા, આ સ્કોરનો પીછો કરતા ટીમ ઈન્ડિયા માત્ર 3 ઓવરમાં 45 રનમાં જ સમેટાઈ ગઈ હતી. નેપાળની જીતનો હીરો રાશિદ ખાન હતો, જેણે તોફાની અડધી સદી ફટકારવાની સાથે ત્રણ વિકેટ પણ લીધી હતી. આ પહેલા ભારતને આ ટૂર્નામેન્ટમાં કુવૈત અને UAE સામે પણ હારનો સામનો કરવો પડ્યો હતો.
ટોસ જીતીને પ્રથમ બેટિંગ કરવા ઉતરેલી નેપાળની ટીમે સારી શરૂઆત કરી હતી. રાશિદ ખાને 17 બોલમાં 4 ચોગ્ગા અને 6 ગગનચુંબી છગ્ગાની મદદથી 55 રન બનાવ્યા બાદ હર્ટ હર્ટ થયો હતો. તેના સાથી ઓપનર સંદીપ જોરાએ 12 બોલમાં 47 રન બનાવ્યા હતા, જ્યારે ત્રીજા નંબરે આવેલા લોકેશ બામે 7 બોલમાં 31 રનની અણનમ ઇનિંગ રમી હતી. લોકેશે આ રન 442.86ના સ્ટ્રાઈક રેટથી બનાવ્યા, જે દરમિયાન તેણે 1 ફોર અને 4 સિક્સર ફટકારી.
138 રનના ટાર્ગેટનો પીછો કરતી વખતે રોબિન ઉથપ્પા અને ભરત ચિપલીની જોડી પહેલી જ ઓવરમાં 13ના સ્કોર પર તૂટી ગઈ હતી. આ ટૂર્નામેન્ટમાં ઉથપ્પાનું બેટ બિલકુલ ચાલ્યું ન હતું. ભરત ચિપલી સાથે પ્રિયંક પંચાલ 12-12 રન બનાવીને ટીમના સર્વાધિક સ્કોરર હતા.
