વડા પ્રધાન નરેન્દ્ર મોદી અને યુએસ પ્રમુખ ડોનાલ્ડ ટ્રમ્પ વચ્ચે તાજેતરમાં મૈત્રીપૂર્ણ વાતાવરણ હોવા છતાં, બંને દેશો વચ્ચે ફરી એકવાર મતભેદો સામે આવ્યા છે. ભારત સરકારે ટ્રમ્પના એ દાવાને ફગાવી દીધો છે કે તેમણે અને મોદીએ દિવાળી પર ફોન પર પાકિસ્તાન સાથે ચર્ચા કરી હતી. ભારત સ્પષ્ટપણે કહે છે કે બંને નેતાઓ વચ્ચેની વાતચીત દરમિયાન પાકિસ્તાનનો ઉલ્લેખ કરવામાં આવ્યો ન હતો. ભારત સરકારના એક વરિષ્ઠ અધિકારીએ કહ્યું, “વડાપ્રધાન નરેન્દ્ર મોદી અને રાષ્ટ્રપતિ ટ્રમ્પ વચ્ચે ફોન કોલમાં પાકિસ્તાન પર કોઈ ચર્ચા થઈ નથી.”
તમને જણાવી દઈએ કે છેલ્લા બે અઠવાડિયામાં આ બીજી વખત છે જ્યારે ભારતે ટ્રમ્પના નિવેદનોનું ખંડન કર્યું છે. આ પહેલા ભારતે ટ્રમ્પના એ દાવાને પણ ફગાવી દીધો હતો કે મોદીએ તેમને ખાતરી આપી હતી કે ભારત રશિયા પાસેથી તેલ ખરીદવાનું બંધ કરશે.
ડોનાલ્ડ ટ્રમ્પે મંગળવારે દિવાળીના એક કાર્યક્રમમાં કહ્યું હતું કે તેમણે વડાપ્રધાન મોદી સાથે વાત કરી હતી અને બંને નેતાઓએ ભારત અને પાકિસ્તાન વચ્ચેના યુદ્ધને રોકવાની જરૂરિયાત પર ચર્ચા કરી હતી. જોકે પીએમ મોદીએ બાદમાં પોસ્ટ કરી હતી
સૂત્રોના જણાવ્યા અનુસાર, વડા પ્રધાન મોદી આ અઠવાડિયે મલેશિયામાં યોજાનારી આસિયાન/પૂર્વ એશિયા સંમેલનમાં વર્ચ્યુઅલ રીતે ભાગ લઈ શકે છે. બિહાર વિધાનસભા ચૂંટણીના કારણે તેમના વિદેશ પ્રવાસની શક્યતાઓ ઓછી છે. આ નિર્ણયનો અર્થ એ પણ છે કે નજીકના ભવિષ્યમાં ટ્રમ્પ અને મોદી વચ્ચે રૂબરૂ મુલાકાતની શક્યતા લગભગ સમાપ્ત થઈ ગઈ છે.
રાષ્ટ્રપતિ ટ્રમ્પે કહ્યું છે કે તેઓ આ વર્ષે મલેશિયામાં વાર્ષિક સમિટમાં ભાગ લેશે, પરંતુ આવતા મહિને દક્ષિણ આફ્રિકામાં યોજાનારી G20 સમિટમાં ભાગ લે તેવી શક્યતા નથી, જ્યાં મોદી હાજર રહેશે.
