PAK vs SL: પાકિસ્તાન અને શ્રીલંકા આજે ICC મેન્સ T20 વર્લ્ડ કપ 2026 ની તેમની છેલ્લી લીગ મેચ રમવા માટે મેદાનમાં ઉતરશે. ભારત અને શ્રીલંકા વચ્ચેની આ મેચ શ્રીલંકાના પલ્લેકેલે ઇન્ટરનેશનલ ક્રિકેટ સ્ટેડિયમ ખાતે IST સાંજે 7:00 વાગ્યે શરૂ થશે. ભારત અને શ્રીલંકા 2026 T20 વર્લ્ડ કપની સેમિફાઇનલની રેસમાંથી પહેલા જ બહાર છે. તેથી, આ મેચનો કોઈ અર્થ નથી અને ટુર્નામેન્ટ પર તેની કોઈ અસર પડશે નહીં.
પલ્લેકેલે ઇન્ટરનેશનલ ક્રિકેટ સ્ટેડિયમ એ હાઇ-સ્કોરિંગ ગ્રાઉન્ડ છે. બેટ્સમેન મધ્ય ઓવરોમાં પ્રભુત્વ મેળવી શકે છે, જ્યારે ઝડપી બોલરો નવા બોલ સાથે શ્રેષ્ઠ રમે છે. સ્પિનરોને જૂના બોલથી સપોર્ટ મળે છે. આ મેદાન પર સરેરાશ સ્કોર 170-175 છે. અહીં રમાયેલી 30 મેચોમાંથી, પ્રથમ બેટિંગ કરનારી ટીમે 16માં જીત મેળવી છે અને બાદમાં બેટિંગ કરનારી ટીમે 12માં જીત મેળવી છે. 2 મેચ ટાઈ રહી છે.
પાકિસ્તાન અને શ્રીલંકા વચ્ચે T20 નો રેકોર્ડ
પાકિસ્તાન અને શ્રીલંકા વચ્ચે અત્યાર સુધીમાં 24 T20 આંતરરાષ્ટ્રીય મેચ રમાઈ છે. આ 24 મેચોમાંથી પાકિસ્તાને 14માં જીત મેળવી છે જ્યારે શ્રીલંકાએ 10માં જીત મેળવી છે. T20 વર્લ્ડ કપના ઈતિહાસમાં આ બંને ટીમો અત્યાર સુધીમાં ચાર મેચ રમી છે, જેમાં બંને ટીમોએ બે-બે મેચ જીતી છે.
પાકિસ્તાન અને શ્રીલંકાની સંભવિત પ્લેઈંગ ઈલેવન
પાકિસ્તાન – સાહિબજાદા ફરહાન, સામ અયુબ, સલમાન આગા (કેપ્ટન), બાબર આઝમ, ફખર ઝમાન, ઉસ્માન ખાન (વિકેટકીપર), શાદાબ ખાન, મોહમ્મદ નવાઝ, શાહીન આફ્રિદી, સલમાન મિર્ઝા, ઉસ્માન તારિક.
શ્રીલંકા – પથુમ નિસાન્કા, કુસલ મેન્ડિસ (wk), ચારિથ અસલંકા, પવન રથનાયેક, કામિન્દુ મેન્ડિસ, દાસુન શનાકા (કેપ્ટન), દુનિથ વેલ્લાલેજ, દુષણ હેમંથા, દુષ્મંથા ચમીરા, મહેશ થિક્ષાના, દિલશાન મદુશંકા.
