પાકિસ્તાને આ વર્ષે એપ્રિલમાં લાહોરમાં આયોજિત ક્વોલિફાયર્સમાં ટોચના સ્થાને રહીને મહિલા વર્લ્ડ કપ માટે ક્વોલિફાય કર્યું હતું. જોકે ફાતિમા સનાની આગેવાની હેઠળની ટીમ ટૂર્નામેન્ટમાં કંઈ ખાસ બતાવી શકી નથી. કોલંબોમાં રમાયેલી સાત મેચોમાં ટીમ એક પણ મેચ જીતી શકી ન હતી અને છેલ્લું સ્થાન મેળવીને તેના અભિયાનનો અંત આણ્યો હતો. સાતમાંથી પાકિસ્તાનને ચાર મેચમાં હારનો સામનો કરવો પડ્યો હતો જ્યારે ત્રણ મેચ વરસાદને કારણે રદ્દ થઈ હતી.
પીસીબીએ કહ્યું કે વસીમનો કોન્ટ્રાક્ટ વર્લ્ડ કપ સાથે સમાપ્ત થઈ ગયો હતો અને બોર્ડે તેને લંબાવવાનો અને તેના બદલે નવા મુખ્ય કોચની નિમણૂક કરવાનો નિર્ણય લીધો હતો. તમને જણાવી દઈએ કે, પૂર્વ ટેસ્ટ ખેલાડી વસીમ કે જેઓ પુરૂષ ટીમના મુખ્ય પસંદગીકાર પણ રહી ચૂક્યા છે, તેમને ગયા વર્ષે મુખ્ય કોચ તરીકે નિયુક્ત કરવામાં આવ્યા હતા. તેમના કાર્યકાળ દરમિયાન, પાકિસ્તાન એશિયા કપ સેમિફાઇનલમાં હારી ગયું હતું અને પછી આ વર્ષની શરૂઆતમાં T20 વર્લ્ડ કપના લીગ તબક્કામાં બહાર થઈ ગયું હતું.
