સનરાઇઝર્સ હૈદરાબાદ (SRH) એ તાજેતરમાં જ તેમની ટીમમાંથી આઠ ખેલાડીઓને બહાર કાઢ્યા છે. SRH એ ઓસ્ટ્રેલિયાના ફાસ્ટ બોલર પેટ કમિન્સને રિટેન્શન બાદ એક મોટું અપડેટ આપ્યું છે. SRH એ મીની હરાજી પહેલા પુષ્ટિ કરી હતી કે કમિન્સ IPL 2026માં ટીમનું સુકાન સંભાળશે. ફ્રેન્ચાઇઝીએ સોમવારે સોશિયલ મીડિયા પ્લેટફોર્મ ‘X’ પર એક પોસ્ટ શેર કરી, જેમાં કમિન્સને તેની તસવીરો સાથે કેપ્ટન તરીકે પુષ્ટિ આપી. જો કે પોસ્ટમાં વધુ માહિતી આપવામાં આવી નથી.
કમિન્સ સતત ત્રીજી વખત ફ્રેન્ચાઈઝીની બાગડોર સંભાળશે. તેણે IPS 2024માં Aiden Markram પાસેથી SRHની કપ્તાની સંભાળી. ત્યારબાદ સનરાઇઝર્સે 20.50 કરોડ રૂપિયામાં હરાજીમાં કમિન્સને ખરીદ્યો. આ ટીમ 17મી સિઝનમાં રનર્સઅપ રહી હતી. IPL 2025ની મેગા હરાજી પહેલા તેને સનરાઇઝર્સે રૂ. 18 કરોડમાં જાળવી રાખ્યો હતો. છેલ્લી સિઝનમાં, SRH પોઈન્ટ ટેબલમાં છઠ્ઠા સ્થાને હતું.
કમિન્સ SRH પહેલા IPLમાં કોલકાતા નાઈટ રાઈડર્સ (KKR) અને દિલ્હી કેપિટલ્સ (DC) તરફથી રમી ચૂક્યો છે. કમિન્સ આ દિવસોમાં પીઠની ઈજા સાથે સંઘર્ષ કરી રહ્યો છે. ઈજાના કારણે તે પર્થમાં રમાનારી પ્રથમ એશિઝ ટેસ્ટમાંથી સત્તાવાર રીતે બહાર થઈ ગયો છે પરંતુ તે બ્રિસ્બેનમાં રમાનારી બીજી મેચમાં રમશે તેવી અપેક્ષા છે. સ્ટીવ સ્મિથ 21 નવેમ્બરથી પર્થમાં ઈંગ્લેન્ડ સામે ઓસ્ટ્રેલિયાની કેપ્ટનશીપ કરશે. બીજી ટેસ્ટ 4 ડિસેમ્બરથી શરૂ થશે.
