દક્ષિણ આફ્રિકાના ઓપનર ક્વિન્ટન ડી કોકે અફઘાનિસ્તાન સામે T20 વર્લ્ડ કપ 2026ની 13મી મેચમાં 59 રનની તોફાની ઇનિંગ રમીને ઈતિહાસ રચ્યો હતો. આ ઇનિંગના આધારે ડી કોક પૂર્વ સ્ટાર બેટ્સમેન એબી ડી વિલિયર્સનો રેકોર્ડ તોડવામાં સફળ રહ્યો. આ T20 વર્લ્ડ કપમાં સૌથી વધુ રન બનાવવાનો સાઉથ આફ્રિકાનો રેકોર્ડ છે. અત્યાર સુધી આ રેકોર્ડ એબી ડી વિલિયર્સના નામે હતો, ડી વિલિયર્સે તેનો છેલ્લો ટી20 વર્લ્ડ કપ 2016માં રમ્યો હતો.હવે 10 વર્ષ બાદ તેનો રેકોર્ડ તૂટી ગયો છે.
એબી ડી વિલિયર્સે T20 વર્લ્ડ કપમાં દક્ષિણ આફ્રિકા માટે રમાયેલી 29 ઇનિંગ્સમાં 29.87ની એવરેજ અને 143.40ની સ્ટ્રાઇક રેટ સાથે 717 રન બનાવ્યા હતા. ક્વિન્ટન ડી કોક હવે તેના કરતા આગળ નીકળી ગયો છે.
ક્વિન્ટન ડી કોકની T20 વર્લ્ડ કપ કારકિર્દીની વાત કરીએ તો, અત્યાર સુધી આ ICC ટૂર્નામેન્ટમાં તેણે એબી ડી વિલિયર્સની બરાબરી 29 ઇનિંગ્સ રમી છે અને આ દરમિયાન તેણે 26.32ની એવરેજ અને 134.24ની સ્ટ્રાઇક રેટ સાથે 737 રન, ડી વિલિયર્સ કરતા 20 વધુ રન બનાવ્યા છે.
