અફઘાનિસ્તાનના સ્ટાર બેટ્સમેન રહેમાનુલ્લાહ ગુરબાઝે સાઉથ આફ્રિકા સામે ICC મેન્સ T20 વર્લ્ડ કપ 2026ની 13મી મેચમાં 188 રનનો પીછો કરતી વખતે 84 રનની શાનદાર ઇનિંગ રમી હતી. ગુરબાઝે તેની ઇનિંગમાં 42 બોલનો સામનો કર્યો અને 4 ચોગ્ગા અને 7 ગગનચુંબી છગ્ગા ફટકાર્યા. આ 7 સિક્સર સાથે, તે T20 વર્લ્ડ કપના ઈતિહાસમાં સૌથી વધુ સિક્સર મારનાર ટોપ-5 બેટ્સમેનોની યાદીમાં પોતાનું સ્થાન બનાવવામાં સફળ રહ્યો. આ સમયગાળા દરમિયાન રહેમાનુલ્લા ગુરબાઝે ટીમ ઈન્ડિયાના સ્ટાર બેટ્સમેન વિરાટ કોહલીનો રેકોર્ડ તોડ્યો હતો, જેણે 2024માં આ ફોર્મેટમાંથી સંન્યાસ લઈ લીધો છે.
રહેમાનુલ્લાહ ગુરબાઝના નામે હવે T20 વર્લ્ડ કપમાં 18 ઇનિંગ્સમાં 35 સિક્સર છે. જ્યારે 2012 થી 2024 T20 વર્લ્ડ કપમાં વિરાટ કોહલીએ 33 ઇનિંગ્સમાં 35 સિક્સર ફટકારી હતી.
જો T20 વર્લ્ડ કપના ઈતિહાસમાં સૌથી વધુ સિક્સર મારવાના વર્લ્ડ રેકોર્ડની વાત કરીએ તો આ રેકોર્ડ વેસ્ટ ઈન્ડિઝના બેટ્સમેન ક્રિસ ગેલના નામે છે. ગેલે ટી20 વર્લ્ડ કપમાં સૌથી વધુ 63 સિક્સર ફટકારી હતી. જ્યારે રોહિત શર્મા 50 છગ્ગા સાથે બીજા સ્થાને છે.
