ભારતીય ટીમના દિગ્ગજ બેટ્સમેન રોહિત શર્મા અને વિરાટ કોહલી આગામી ન્યૂઝીલેન્ડ શ્રેણી પહેલા ઘરેલુ ક્રિકેટમાં રમતા જોવા મળી રહ્યા છે. સ્થાનિક ક્રિકેટ રમવા માટે BCCIના કડક નિયમોને કારણે આ બંને ક્રિકેટરો પોતપોતાની ટીમો માટે વિજય હજારે ટ્રોફીમાં રમી રહ્યા છે. બુધવારે મુંબઈ તરફથી રમતા રોહિત શર્માએ સદી ફટકારી હતી જ્યારે વિરાટ કોહલીએ દિલ્હી માટે જોરદાર સદી ફટકારી હતી. આ બંને સ્ટાર ખેલાડીઓએ પોતપોતાની ટીમને જીત અપાવવામાં મહત્વની ભૂમિકા ભજવી હતી. મેચ બાદ સોશિયલ મીડિયા પર એક વીડિયો વાયરલ થયો છે, જેમાં રોહિત શર્મા મેદાન પર વિરાટ કોહલીની જર્સી પહેરેલા એક નાના ફેનને મળ્યો અને તેને ગળે લગાવ્યો.
મુંબઈ અને સિક્કિમ વચ્ચેની મેચ બાદ વિરાટ કોહલીની જર્સી (નંબર 18) પહેરેલો એક નાનો ચાહક રોહિત શર્મા તરફ દોડ્યો. બાળકે રોહિતના શરીરને સ્પર્શ કરવાની કોશિશ કરી પરંતુ રોહિતે તરત જ તેને રોક્યો અને તેને ગળે લગાડ્યો. પોતાના ફેન્સ માટે રોહિતની આ હરકતો જોઈને બધાએ તેના વખાણ કર્યા. આ વીડિયો સોશિયલ મીડિયા પર ઘણો વાયરલ થઈ રહ્યો છે.
રોહિતે સિક્કિમ સામેની ઈનિંગમાં 18 ચોગ્ગા અને 9 છગ્ગા ફટકાર્યા હતા. મુંબઈને 30માં જીતવા માટે 237 રનનો ટાર્ગેટ આપ્યો હતો. 3 ઓવરમાં હાંસલ કર્યો હતો. સ્ટાર બેટ્સમેન વિરાટ કોહલીએ આંધ્રપ્રદેશ વિરૂદ્ધ તેની 330મી લિસ્ટ A ઇનિંગમાં સૌથી ઝડપી 16 હજાર રન બનાવવાના મામલે સચિન તેંડુલકરને પાછળ છોડી દીધો છે. કોહલી અગાઉ 2009-10માં વિજય હજારે ટ્રોફી મેચ રમ્યો હતો જ્યારે રોહિતે 2017-18માં આ ટુર્નામેન્ટમાં ભાગ લીધો હતો.
રોહિતે બુધવારે 38 વર્ષ અને 238 દિવસની ઉંમરે સદી ફટકારી અને આ ટૂર્નામેન્ટમાં સદી ફટકારનાર બીજો સૌથી મોટી ઉંમરનો ક્રિકેટર બન્યો. આ ટૂર્નામેન્ટમાં સદી ફટકારનાર સૌથી વૃદ્ધ ક્રિકેટર બંગાળનો અનુસ્તુપ મજુમદાર છે, જેણે 39 વર્ષની ઉંમરે 2023-24 સિઝનમાં બે સદી ફટકારી હતી.
