ભારત અને શ્રીલંકા વચ્ચે ચોથી T20 મેચ દરમિયાન એક એવું પરાક્રમ થયું જે મહિલા ટી20 ક્રિકેટના ઈતિહાસમાં આજ સુધી બન્યું નથી. આ મેચમાં પ્રથમ બેટિંગ કરતા ભારતે T20 ક્રિકેટના ઈતિહાસમાં સૌથી વધુ 221 રન બનાવ્યા હતા. આ દરમિયાન સ્મૃતિ મંધાનાએ 80 રનની અને શેફાલી વર્માએ 79 રનની વિસ્ફોટક ઈનિંગ રમી હતી. આ સ્કોરનો પીછો કરવા આવેલી શ્રીલંકાની ટીમ નિર્ધારિત 20 ઓવરમાં 6 વિકેટ ગુમાવીને 191 રન જ બનાવી શકી હતી. શ્રીલંકા તરફથી કેપ્ટન ચમીરા અટાપટ્ટુએ સૌથી વધુ 53 રનની ઇનિંગ રમી હતી. આ મેચમાં બંને ટીમોએ મળીને 412 રન બનાવ્યા હતા, પરંતુ કોઈ બેટ્સમેન સદી ફટકારી શક્યો નહોતો.
m
WT20I ક્રિકેટના ઈતિહાસમાં બંને ટીમોનો સંયુક્ત રીતે આ સર્વોચ્ચ સ્કોર છે, જ્યારે કોઈ બેટ્સમેને સદી ફટકારી નથી. જ્યારે ટી-20માં આટલા રન બને છે ત્યારે ઓછામાં ઓછો એક બેટ્સમેન સદી ફટકારે છે, પરંતુ આ મેચ દરમિયાન આવું બન્યું નથી.
જો વધારાના રન કાઢી નાખવામાં આવે તો પણ આ એક વર્લ્ડ રેકોર્ડ છે. શ્રીલંકાએ 6 વધારાના રન આપ્યા હતા અને ભારતે 11 વધારાના રન આપ્યા હતા. જેમાં વાઈડ, નો, લેગ બાય અને બાય જેવા રનનો સમાવેશ થાય છે. આશ્ચર્યની વાત એ છે કે આ તમામ રન ભારતની ધરતી પર આવ્યા છે.
