દક્ષિણ આફ્રિકાએ શુક્રવારે T20 વર્લ્ડ કપ 2026 માટે ટીમની જાહેરાત કરી છે. દક્ષિણ આફ્રિકાએ ભારત અને શ્રીલંકા દ્વારા સંયુક્ત રીતે યોજાનાર ICC મેન્સ T20 વર્લ્ડ કપ 2026 માટે ટીમની કમાન એડન માર્કરામને સોંપી છે. આ ટીમ પ્રથમ વખત T20 વર્લ્ડ કપ રમી રહેલા ખેલાડીઓથી ભરેલી છે. ક્વિન્ટન ડી કોક અને ડેવિડ મિલર જેવા દિગ્ગજ ખેલાડીઓની સાથે સાથે ઘણા યુવા ચહેરાઓને પણ આ ટીમમાં સ્થાન મળ્યું છે. ‘બેબી એબી’ના નામથી પ્રખ્યાત ડેવાલ્ડ બ્રુઈસ તેનો પહેલો T20 વર્લ્ડ કપ રમશે. તેમના સિવાય ડોનોવન ફરેરા, ટોની ડી જોર્ઝી અને યુવા ફાસ્ટ બોલર ક્વેના માફાકાને પણ પ્રથમ વખત વર્લ્ડ કપની ટીમમાં સામેલ કરવામાં આવ્યા છે.
આફ્રિકાની ટીમમાં બે મોટા નામોને સ્થાન મળ્યું નથી. ટ્રિસ્ટન સ્ટબ્સ અને રેયાન રિકલ્ટનનો ટીમમાં સમાવેશ કરવામાં આવ્યો નથી. છેલ્લા કેટલાક સમયથી T20 સર્કિટમાં વિસ્ફોટક બેટ્સમેન તરીકે ઉભરી ચુકેલા તેને ખરાબ ફોર્મના કારણે 15 સભ્યોની મુખ્ય ટીમમાં સામેલ કરવામાં આવ્યો નથી.
નવા ખેલાડીઓને સ્થાન મળ્યું
રબાડા ઉપરાંત ટીમમાં પાંચ ઝડપી બોલર એનરિક નોરખી, માર્કો જાન્સન, કોર્બીન બોશ, લુંગી એનગિડી અને 19 વર્ષીય વાઈના માફાકાનો સમાવેશ થાય છે. માફાકા અને બોશ એ સાત ખેલાડીઓમાં સામેલ છે જે પ્રથમ વખત વર્લ્ડ કપમાં રમશે. આ બે સિવાય બેટ્સમેન ડેવાલ્ડ બ્રુઈસ, ટોની ડીજ્યોર્જ, જેસન સ્મિથ, ઓલરાઉન્ડર જ્યોર્જ લિન્ડે અને ડોનોવન ફરેરાનો પણ ટીમમાં સમાવેશ કરવામાં આવ્યો છે.
ક્વિન્ટન ડી કોક ટીમમાં પરત ફર્યા છે અને આ સિવાય જૂન 2024માં ભારત સામે બાર્બાડોસમાં ફાઇનલમાં હારી ગયેલી ટીમમાંથી ડેવિડ મિલર, કેશવ મહારાજ, યાનસન અને નોર્કી ટીમમાં છે. રીઝા હેન્ડ્રિક્સ, ટ્રિસ્ટન સ્ટબ્સ, ઓટનિલ બાર્ટમેન, ગેરાલ્ડ કોએત્ઝી, જોર્ન ફોર્ટેન અને તાબ્રાજીની પસંદગી કરવામાં આવી નથી.
પસંદગી સંયોજક પેટ્રિક મોરોનીએ જણાવ્યું હતું કે, “અમે કેટલાક કઠિન નિર્ણયો લેવા પડ્યા હતા પરંતુ અમને લાગે છે કે અમે ભારત અને શ્રીલંકામાં યોજાનારી ટૂર્નામેન્ટ માટે એક મજબૂત ટીમની પસંદગી કરી છે. અમે વિશ્વ કક્ષાના અનુભવી ખેલાડીઓની સાથે ટીમમાં શ્રેષ્ઠ યુવા ખેલાડીઓનો સમાવેશ કર્યો છે.”
