મુંબઈ T20 વર્લ્ડ કપ 2026ની ગ્રુપ Cની મેચ વેસ્ટ ઈન્ડિઝ અને નેપાળ વચ્ચે વાનખેડે સ્ટેડિયમમાં રમાઈ રહી છે. પ્રથમ બેટિંગ કરતા નેપાળે 8 વિકેટના નુકસાને 133 રન બનાવ્યા હતા. વેસ્ટ ઈન્ડિઝે ટોસ જીતીને બોલિંગ કરવાનો નિર્ણય લીધો હતો. પ્રથમ બેટિંગ કરવા આવેલી નેપાળની ટીમે ફરી એકવાર નિરાશ કર્યો હતો. ઇનિંગ્સની શરૂઆત ખરાબ રહી હતી અને પ્રથમ વિકેટ 2ના સ્કોર પર કુશલ ભુર્તેલના રૂપમાં પડી હતી. નેપાળની ટીમ ક્યારેય આ આંચકામાંથી બહાર નીકળી શકી નહોતી અને સતત વિકેટો ગુમાવતી રહી હતી. વિકેટકીપર આસિફ શેખ 11 રન, કેપ્ટન રોહિત પૌડેલ 5, આરિફ શેખ 2, લોકેશ બામ 13 અને ગુલશન ઝા 11 રન બનાવીને આઉટ થયા હતા. 73 રનમાં 6 વિકેટ ગુમાવનાર નેપાળ માટે દીપેન્દ્ર સિંહ એરી અને સોમપાલ કામીએ 7મી વિકેટ માટે 54 રનની ભાગીદારી કરીને સ્કોર 127 સુધી પહોંચાડ્યો હતો. ચોથા નંબર પર બેટિંગ કરવા આવેલા દીપેન્દ્રએ 47 બોલમાં 3 ચોગ્ગા અને 3 છગ્ગાની મદદથી 58 રન બનાવ્યા હતા. સોમપાલ 15 બોલમાં 4 ચોગ્ગાની મદદથી 26 રન બનાવ્યા બાદ અણનમ રહ્યો હતો. છેલ્લી ત્રણ ઓવરમાં બનાવેલા 41 રનની મદદથી નેપાળે 20 ઓવરમાં 8 વિકેટે 133 રન બનાવ્યા હતા. વેસ્ટ ઈન્ડિઝ માટે જેસન હોલ્ડર સૌથી સફળ બોલર રહ્યો હતો. હોલ્ડરે 4 ઓવરમાં 27 રન આપીને 4 વિકેટ લીધી હતી.
મેથ્યુ ફોર્ડે 4 ઓવરમાં 10 રન આપીને 1 વિકેટ, શમર જોસેફે 4 ઓવરમાં 38 રન આપીને 1 વિકેટ અને અકીલ હુસૈને 4 ઓવરમાં 30 રન આપીને 1 વિકેટ લીધી હતી. રોસ્ટન ચેઝે 2 ઓવરમાં 10 રન આપીને 1 વિકેટ લીધી હતી. ઈંગ્લેન્ડ સામે શાનદાર પ્રદર્શન કરનાર નેપાળને ઈટાલી સામે શરમજનક હારનો સામનો કરવો પડ્યો હતો. ઓછા સ્કોર છતાં નેપાળ આ મેચમાં અપસેટ સર્જવાનો પ્રયાસ કરશે. આ મેચમાં હાર બાદ નેપાળ વર્લ્ડ કપમાંથી બહાર થઈ જશે. -IANS
આ પણ વાંચો – અખબાર પહેલા તમારા રાજ્ય/શહેરના સમાચાર વાંચવા માટે ક્લિક કરો.
