T20 વર્લ્ડ કપ સુપર-8 શેડ્યૂલ: નવ દિવસમાં 12 મેચ, અહીં સંપૂર્ણ શેડ્યૂલ જુઓ; સુપર-8માં ચાર ટીમો…

T20 વર્લ્ડ કપનો ઉત્સાહ ચાહકોમાં છવાયેલો છે. ગ્રુપ સ્ટેજ પૂરો થવા જઈ રહ્યો છે અને આગામી રાઉન્ડ એટલે કે સુપર આઠ રાઉન્ડ માટે આઠ ટીમોને ફાઈનલ કરવામાં આવી છે. ICC દ્વારા પ્રી-સીડવાળી મોટાભાગની ટીમો સુપર આઠમાં છે. ઓસ્ટ્રેલિયાને બદલે માત્ર એક જ ઝિમ્બાબ્વેને સુપર આઠમાં એન્ટ્રી મળી છે. ઓસ્ટ્રેલિયાને હટાવીને ઝિમ્બાબ્વેએ ઈતિહાસ રચ્યો હતો. જે આઠ ટીમો સુપર-એટ માટે ક્વોલિફાય થઈ છે. તેમાં ભારત, વેસ્ટ ઈન્ડિઝ, ઈંગ્લેન્ડ, દક્ષિણ આફ્રિકા, શ્રીલંકા, પાકિસ્તાન, ઝિમ્બાબ્વે અને ન્યુઝીલેન્ડનો સમાવેશ થાય છે. ICC દ્વારા નક્કી કરાયેલ પ્રી-સીડિંગ મુજબ સુપર-એટ રાઉન્ડમાં ભારત, વેસ્ટ ઈન્ડિઝ, દક્ષિણ આફ્રિકા અને ઝિમ્બાબ્વે એક જ ગ્રુપમાં રહેશે. જ્યારે ન્યુઝીલેન્ડ, ઈંગ્લેન્ડ, શ્રીલંકા અને પાકિસ્તાન બીજા ગ્રુપમાં રહેશે. સુપર-એટ રાઉન્ડમાં આ આઠ ટીમો પોતપોતાના ગ્રૂપમાં સામસામે ટકરાશે અને બંને ગ્રૂપમાંથી ટોચની બે ટીમો સેમિફાઇનલ માટે ક્વોલિફાય થશે.

ગ્રુપ રાઉન્ડમાં હજુ બે-ચાર મેચો બાકી છે. 19મી ફેબ્રુઆરીએ વેસ્ટ ઈન્ડિઝ-ઈટાલી, શ્રીલંકા-ઝિમ્બાબ્વે અને અફઘાનિસ્તાન-કેનેડા વચ્ચે મેચ છે જ્યારે 20મી ફેબ્રુઆરીએ ઓસ્ટ્રેલિયા-ઓમાન સામસામે ટકરાશે. સુપર એઈટ રાઉન્ડ 21 ફેબ્રુઆરીથી શરૂ થશે અને તેની મેચો 1 માર્ચ સુધી રમાશે. નવ દિવસમાં કુલ 12 મેચો રમાશે. સુપર એઈટ રાઉન્ડમાં મોટાભાગની તારીખોમાં દિવસમાં એક મેચ હોય છે. 21, 23, 24, 25, 27 અને 28 ફેબ્રુઆરીએ એક-એક મેચ છે, જ્યારે 22, 26 અને 1 માર્ચે ડબલ હેડર છે. સુપર એઈટમાં જે તારીખોમાં એક મેચ છે, તે મેચો ભારતીય સમય અનુસાર સાંજે 7 વાગ્યે શરૂ થશે અને ટોસ તેના અડધા કલાક પહેલા એટલે કે બપોરે 3:00 વાગ્યે થશે. જે દિવસે ડબલ હેડર હશે તે દિવસે પહેલી મેચ બપોરે 3 વાગ્યાથી અને બીજી મેચ સાંજે 7 વાગ્યાથી રમાશે. બપોરે 3 કલાકે રમાનાર મેચમાં ટોસ બપોરે 2.30 કલાકે થશે.

વિવિધ શહેરોમાં કુલ 12 મેચો યોજાશે. દરેક જૂથમાંથી ટોચની બે ટીમો સેમિફાઇનલમાં જશે, જ્યારે ચાર ટીમો ટુર્નામેન્ટમાંથી બહાર થઈ જશે. સુપર એટની મેચ ભારત અને શ્રીલંકાના અલગ-અલગ શહેરોમાં રમાશે. શ્રીલંકાના બે શહેરો કોલંબો, પલ્લેકેલે જ્યારે ભારતના પાંચ શહેરો અમદાવાદ, મુંબઈ, ચેન્નાઈ, દિલ્હી અને કોલકાતાની સુપર એઈટ રાઉન્ડની મેચો માટે પસંદગી કરવામાં આવી છે.

સુપર-8માં દરેક ટીમનો સામનો તેના ગ્રુપની બાકીની ત્રણ ટીમો સાથે થશે, એટલે કે એક ટીમ કુલ ત્રણ મેચ રમશે. પોઈન્ટ ટેબલમાં ટોચની બે ટીમ સેમીફાઈનલમાં જશે. નેટ રન રેટ (NRR) મહત્વની ભૂમિકા ભજવી શકે છે. ભારતને સાઉથ આફ્રિકા અને વેસ્ટ ઈન્ડિઝ જેવી મજબૂત ટીમો તરફથી આકરા પડકારનો સામનો કરવો પડશે જ્યારે ગ્રુપ-2માં ઈંગ્લેન્ડ, ન્યુઝીલેન્ડ અને પાકિસ્તાન વચ્ચે જોરદાર મુકાબલો જોવા મળી શકે છે. T20 વર્લ્ડ કપ 2026ના સુપર-8માં આઠ ટીમોને બે ગ્રુપમાં વહેંચવામાં આવી છે. ગ્રુપ-1માં ભારત, દક્ષિણ આફ્રિકા, વેસ્ટ ઈન્ડિઝ અને ઝિમ્બાબ્વેનો સમાવેશ થાય છે. ગ્રુપ-2માં ન્યૂઝીલેન્ડ, ઈંગ્લેન્ડ, શ્રીલંકા અને પાકિસ્તાનને રાખવામાં આવ્યા છે. દરેક ટીમ તેના ગ્રુપની અન્ય ત્રણ ટીમો સામે એક-એક મેચ રમશે. પોઈન્ટ ટેબલમાં ટોચની બે ટીમો સેમિફાઈનલમાં પહોંચશે, જ્યારે બાકીની ચાર ટીમોની સફર અહીં જ સમાપ્ત થશે.