કલાબુર્ગી: કર્ણાટકના કાલબુર્ગીમાં પતિએ તેની પત્નીને નિર્દયતાથી માર માર્યો, તેનું ગળું કાપી નાખ્યું અને પછી તેની ઉપર કાર ચલાવીને તેની હત્યા કરી નાખી. આ ઘટના કલાબુર્ગીમાં બની હતી. અહીંના અફઝલપુર તાલુકાના બલ્લુર્ગી ગામમાં વ્યસ્ત રોડ પર અક્ષય નામના યુવકે તેની પત્નીની ઘાતકી હત્યા કરી હતી. મૃતક યુવતીનું નામ સાનવી છે અને તે મહારાષ્ટ્રની રહેવાસી હતી.
આ અંગે પ્રાપ્ત માહિતી અનુસાર, આરોપી પતિ અક્ષય તેની પત્ની સાનવીને કારમાં બેસાડી ઘટનાસ્થળે લઈ આવ્યો હતો. આ પછી તેણે તેને કારમાંથી બહાર કાઢી. આ પછી તેણે રસ્તાની વચ્ચે તેના ગળામાં છરી મારી હતી અને તેને કાર નીચે કચડી નાખવાનો પ્રયાસ કર્યો હતો. ગંભીર રીતે ઘવાયેલી સાનવીનું ઘટનાસ્થળે જ મોત થયું હતું. આ ઘટના એટલી ઝડપથી બની હતી કે આસપાસના લોકોને પણ કંઈ ખબર ન પડી.
જો કે, આ કેસમાં ચોંકાવનારી વાત એ છે કે જ્યારે આરોપી તેની પત્ની પર હુમલો કરી રહ્યો હતો ત્યારે સ્થળ પર હાજર કોઈએ તેની મદદ કરવાનો પ્રયાસ પણ કર્યો ન હતો. ઉલટું, ત્યાં હાજર લોકોએ આ ઘટનાને પોતાના મોબાઈલ ફોનમાં ફિલ્માવી લીધી.
