દિલ્હી દિલ્હી: નવી દિલ્હીમાં આયોજિત ઈન્ડિયા એઆઈ ઈમ્પેક્ટ સમિટ પ્રસંગે વડાપ્રધાન નરેન્દ્ર મોદી સર્બિયા પ્રમુખ એલેક્ઝાન્ડર વ્યુસિક સાથે મુલાકાત કરી. બંને નેતાઓએ ભારત અને સર્બિયા વચ્ચે વિવિધ ક્ષેત્રોમાં સહયોગને વધુ મજબૂત કરવા અંગે વિગતવાર ચર્ચા કરી હતી. આ દરમિયાન બંને દેશોએ સંરક્ષણ, ઉત્પાદન, ડિજિટલ પબ્લિક ઈન્ફ્રાસ્ટ્રક્ચર (ડીપીઆઈ), ખાતર ઉત્પાદન અને ઈન્ફ્રાસ્ટ્રક્ચરના ક્ષેત્રોમાં દ્વિપક્ષીય સહયોગ વધારવાના ઉપાયો પર ચર્ચા કરી.
રાષ્ટ્રપતિ વ્યુસીકે ભારત સાથેના મજબૂત અને સ્થાયી સંબંધોને વધુ ગાઢ બનાવવા માટે સર્બિયાની પ્રતિબદ્ધતા વ્યક્ત કરી હતી. તેઓ સંયુક્ત પ્રોજેક્ટતકનીકી વિનિમય અને રોકાણ માટેની નવી તકોની ચર્ચા કરી. બેઠકનો સંદેશ સ્પષ્ટ હતો કે ભારત અને સર્બિયા માત્ર પરંપરાગત ક્ષેત્રોમાં જ નહીં પરંતુ આધુનિક ટેકનોલોજી અને નવીનતા આધારિત ક્ષેત્રોમાં પણ વ્યૂહાત્મક ભાગીદારીને મજબૂત કરવા તૈયાર છે. આનાથી બંને દેશો વચ્ચે વેપાર, રોકાણ અને ટેકનિકલ સહયોગની નવી તકો ખુલશે. આ બેઠકે ભારત-સર્બિયા સંબંધોને નવી દિશા આપી અને ભવિષ્યમાં સંરક્ષણ, ડિજિટલ ઈન્ફ્રાસ્ટ્રક્ચર, ઈનોવેશન અને રોકાણના ક્ષેત્રોમાં દ્વિપક્ષીય સહયોગને વધુ મજબૂત બનાવવાનો માર્ગ મોકળો કર્યો.
