રોહિત શેટ્ટી દ્વારા નિર્દેશિત ગોલમાલ ફ્રેન્ચાઈઝીને દર્શકોનો જબરદસ્ત પ્રેમ મળ્યો છે. આ ફ્રેન્ચાઇઝીએ હાસ્યજનક ક્ષણો, પરિસ્થિતિઓ અને પાત્રો પ્રદાન કર્યા જે આજે પણ લોકપ્રિય છે. હવે રોહિત શેટ્ટી ગોલમાલ 5 બનાવી રહ્યા છે. ખાસ વાત એ છે કે અજય દેવગન સ્ટારર આ ફિલ્મમાં અક્ષય કુમારની એન્ટ્રીના સમાચાર પણ સામે આવ્યા છે. ગોલમાલ ફ્રેન્ચાઈઝીમાં અજય દેવગન ઉપરાંત અરશદ વારસી, તુષાર કપૂર, કુણાલ ખેમુ અને શ્રેયસ તલપડે જોવા મળશે. હવે આ અદ્ભુત કાસ્ટમાં અક્ષયનું નામ પણ જોડાઈ રહ્યું છે.
અક્ષય કુમારની એન્ટ્રી?
વેરાયટી ઈન્ડિયાના સમાચાર અનુસાર, અક્ષય કુમારને ગોલમાલ 5માં અજય દેવગનના દુશ્મન તરીકે બતાવવામાં આવશે. મતલબ કે અક્ષય ગોલમાલ 5નો વિલન હશે. આ ફિલ્મ પાછલી ફિલ્મો કરતા મોટા અને ભવ્ય સ્તર પર બની રહી છે. અજય અને અક્ષયને ફરીથી સ્ક્રીન પર એકસાથે જોવું એ ફેન્સ માટે કોઈ મોટી ટ્રીટથી ઓછું નથી.
ગોલમાલ ફ્રેન્ચાઈઝીની છેલ્લી ફિલ્મ
તમને જણાવી દઈએ કે, ગોલમાલનો પહેલો હપ્તો વર્ષ 2006માં રીલિઝ થયો હતો. ગોપાલના રોલમાં અજય દેવગન અને તેના કો-એક્ટર બે અંધ લોકોના ઘરનો કબજો લેતા જોવા મળ્યા હતા. દર્શકોને આ વાર્તા ગમી. ગોલમાલ ફ્રેન્ચાઈઝીની છેલ્લી ફિલ્મ વર્ષ 2017માં રિલીઝ થઈ હતી.હવે રોહિત શેટ્ટી ગોલમાલ 5નું શૂટિંગ શરૂ કરવાના છે.આ ફિલ્મ માટે અક્ષયની એન્ટ્રી ખાસ થવાની છે.
કડક સુરક્ષા વચ્ચે શૂટિંગ શરૂ થશે
લેટેસ્ટ રિપોર્ટ અનુસાર, ફિલ્મ ગોલમાલનું શૂટિંગ 15 ફેબ્રુઆરી પછી શરૂ થઈ શકે છે. રોહિત શેટ્ટીના ઘરે ફાયરિંગ બાદ ફિલ્મના સેટની સુરક્ષા વધારવાના સમાચાર સામે આવ્યા છે. આ વખતે કડક સુરક્ષા વચ્ચે શૂટિંગ થશે. શૂટિંગ લોકેશન અને અન્ય માહિતી મર્યાદિત લોકો સાથે જ શેર કરવામાં આવશે. આ ઉપરાંત ક્રૂ અને જુનિયર કલાકારોને રજીસ્ટ્રેશન કરાવવાની સલાહ આપવામાં આવી છે.
