કલર્સ ટીવીના રિયાલિટી શો લાફ્ટર શેફને લઈને મોટા સમાચાર સામે આવ્યા છે. એવું કહેવામાં આવી રહ્યું છે કે વિવિયન ડીસેના આ શોને અલવિદા કહી દેશે. એટલું જ નહીં ચાર જૂના ચહેરા આ સિઝનનો ભાગ હશે. જૂના ચહેરાઓ જે આ શોનો ભાગ બનશે તે છે અર્જુન બિજલાની, નિયા શર્મા, અંકિતા લોખંડે અને વિકી જૈન. વિવિયન ડીસેના સાથે, ઈશા માલવિયા પણ સિઝન 3ને અલવિદા કહી દેશે.
વિવિયન ડીસેના લાફ્ટર શેફને અલવિદા કહેશે
ડીએનએ રિપોર્ટ અનુસાર, વિવિયન ડીસેના શોને અલવિદા કહી દેશે. ખરેખર, વિવિયન ડીસેના કલર્સના અન્ય શોમાં જોવા મળશે. તે બીજા શોની તૈયારી માટે વર્કશોપ અને પ્રી-પ્રોડક્શન મીટિંગમાં વ્યસ્ત છે.
કલર્સના બીજા શો માટે વિવિયન શોને અલવિદા કહેશે
વિવિયન ડીસેના કલર્સ પર કયા શોનો ભાગ બનશે તે વિશે હજુ સુધી કોઈ ચોક્કસ માહિતી જાહેર કરવામાં આવી નથી. જો કે, કેટલાક અહેવાલોમાં દાવો કરવામાં આવ્યો છે કે વિવિયન ડીસેના એકતા કપૂરના શો નાગિન 7માં જોવા મળી શકે છે.
આ ચાર જૂના ચહેરા શોનો હિસ્સો બનશે
વિવિયનની સાથે સાથે ઈશા પણ છો છોડતી હોવાના અહેવાલો છે. ટેલીચક્કરના જણાવ્યા અનુસાર, વિકી જૈન, નિયા શર્મા, અંકિતા લોખંડે અને અર્જુન બિજલાણી શોમાં પાછા ફરશે. નિયા, અંકિતા અને વિકી પણ લાફ્ટર શેફ સીઝન 2 નો ભાગ હતા. જ્યારે, અર્જુન બિજલાની પ્રથમ સીઝનનો ભાગ હતો.
અર્જુન બિજલાની પ્રથમ સિઝનનો ભાગ હતો
પ્રથમ સિઝનમાં અર્જુન બિજલાની અને કરણ કુન્દ્રાની જોડી જોવા મળી હતી. ચાહકોને તેમની જોડી ખૂબ જ પસંદ આવી હતી. શો સિવાય અર્જુન બિજલાણી અને કરણ કુન્દ્રા ઘણા સારા મિત્રો છે.
