ટ્રેવિસ હેડ સેન્ચ્યુરી રેકોર્ડ્સ: ઓસ્ટ્રેલિયાના ટ્રેવિસ હેડે શનિવારે ઈંગ્લેન્ડ સામેની પ્રથમ એશિઝ ટેસ્ટમાં શાનદાર બેટિંગ કરી હતી. તેણે પર્થમાં 83 બોલમાં 123 રનની ઇનિંગ રમી જેમાં 16 ચોગ્ગા અને ચાર છગ્ગાનો સમાવેશ થાય છે. તેણે 69 બોલમાં પોતાની સદી પૂરી કરી હતી. હેડની સદીના બળ પર યજમાન ઓસ્ટ્રેલિયાએ 28.2 ઓવરમાં 205 રનના લક્ષ્યનો પીછો કર્યો અને આઠ વિકેટે જીત મેળવી લીધી. ઉસ્માન ખ્વાજાની ઈજાને કારણે હેડને ઓપનિંગ માટે લાવવામાં આવ્યો હતો. મેચ માત્ર બે દિવસમાં પુરી થઈ ગઈ હતી. પ્રથમ દિવસે 19 વિકેટ પડી હતી જ્યારે બીજા દિવસે 13 વિકેટ પડી હતી. વિકેટો પડવાની વચ્ચે હેડના બેટથી ફટકારેલી તોફાની સદીમાં પાંચ અદ્ભુત રેકોર્ડ સર્જાયા છે.
123 વર્ષ જૂનો રેકોર્ડ નાશ પામ્યો
હેડે ટેસ્ટ ક્રિકેટમાં ચોથી ઇનિંગ્સમાં સૌથી ઝડપી સદી ફટકારવાની સિદ્ધિ મેળવી છે. તેણે ઈંગ્લેન્ડના ગિલ્બર્ટ જેસોપનો 123 વર્ષ જૂનો રેકોર્ડ તોડ્યો છે. 1902માં ઓવલ ખાતે ઓસ્ટ્રેલિયા સામેની ટેસ્ટ મેચની ચોથી ઇનિંગમાં ગિલ્બર્ટે 76 બોલમાં સદી ફટકારી હતી. તેણે 104 બોલમાં કુલ 77 રન બનાવ્યા હતા, જેમાં 17 ચોગ્ગા સામેલ હતા. ત્યારબાદ ઈંગ્લેન્ડે 263 રનના ટાર્ગેટનો પીછો કરીને એક વિકેટથી રોમાંચક જીત મેળવી હતી.
એશિઝમાં બીજી સૌથી ઝડપી સદી
ટેવિસ હેડે એશિઝ ઈતિહાસમાં બીજી સૌથી ઝડપી સદી ફટકારવાનું કારનામું કર્યું છે. એશિઝના ઈતિહાસમાં સૌથી ઝડપી સદી ફટકારવાનો રેકોર્ડ એડમ ગિલક્રિસ્ટના નામે છે. ઓસ્ટ્રેલિયાના ભૂતપૂર્વ વિકેટકીપર-બેટ્સમેન ગિલક્રિસ્ટે ડિસેમ્બર 2006માં પર્થમાં રમાયેલી એશિઝ ટેસ્ટની બીજી ઈનિંગમાં માત્ર 57 બોલમાં પોતાની સદી પૂરી કરી હતી. ગિલક્રિસ્ટે 59 બોલનો સામનો કર્યા બાદ 102 રન બનાવ્યા હતા. તેણે 12 ચોગ્ગા અને ચાર છગ્ગા ફટકાર્યા હતા. ઓસ્ટ્રેલિયા 206 રને જીત્યું.
ડેવિડ વોર્નરની બરાબરી
હેડ ટેસ્ટ ક્રિકેટમાં સંયુક્ત રીતે સૌથી ઝડપી સદી ફટકારનાર ઓપનર બની ગયો છે. તેણે ઓસ્ટ્રેલિયાના પૂર્વ ઓપનર ડેવિડ વોર્નની બરાબરી કરી લીધી છે. વોર્નરે 2012માં પર્થમાં ભારત સામેની ટેસ્ટમાં 69 બોલમાં તેની સદી પૂરી કરી હતી. વોર્નરે 159 બોલમાં કુલ 180 રન બનાવ્યા હતા, જેમાં 20 ચોગ્ગા અને પાંચ છગ્ગાનો સમાવેશ થાય છે. ઓસ્ટ્રેલિયાએ આ મેચ એક ઇનિંગ્સ અને 37 રને જીતી લીધી હતી.
