ભારતના પ્રવાસ પર ટેસ્ટ શ્રેણીની શરૂઆત પહેલા, દક્ષિણ આફ્રિકા બે 4-દિવસીય મેચો પણ રમશે, જેમાં તેનો સામનો ભારત A ટીમ સાથે થશે. રિષભ પંત માત્ર તે બે મેચમાં જ નહીં પરંતુ ટીમનો કેપ્ટન પણ હશે. જો કે, ભારત A અને દક્ષિણ આફ્રિકા વચ્ચે 4-દિવસીય મેચ ક્યારે યોજાશે, તેના માટેનું શેડ્યૂલ હજુ જાહેર કરવામાં આવ્યું નથી.
ઋષભ પંત હાલમાં ઈજાના કારણે ટીમ ઈન્ડિયાની બહાર છે. ઈંગ્લેન્ડ પ્રવાસ દરમિયાન તેને પગમાં ઈજા થઈ હતી. પંત આ જ ઈજામાંથી સાજા થઈને મેદાનમાં પરત ફરવા માટે તૈયાર છે. પંત સાઉથ આફ્રિકા સામેની ટેસ્ટ સીરીઝમાંથી વાપસી કરી શકે છે. આ જ કારણ છે કે BCCI એ પહેલા પંતને મેચ પ્રેક્ટિસ માટે ભારત A ટીમમાં ન માત્ર જગ્યા આપી છે, પરંતુ તેને કમાન પણ આપી છે.
ભારત અને દક્ષિણ આફ્રિકા વચ્ચે ફુલ ફ્લેગ સિરીઝ રમાશે. મતલબ કે માત્ર ટેસ્ટ શ્રેણી જ નહીં પરંતુ વનડે અને ટી-20 શ્રેણી પણ રમાશે. તેનું સંપૂર્ણ શિડ્યુલ પણ આવી ગયું છે. કોલકાતામાં 18મી નવેમ્બરે પ્રથમ ટેસ્ટ સમાપ્ત થયા બાદ બીજી ટેસ્ટ 22મી નવેમ્બરથી ગુવાહાટીમાં રમાશે. 2-ટેસ્ટ સીરીઝ પછી, 3 મેચની ODI સીરીઝ હશે, જેની મેચો 30 નવેમ્બર, 3 ડિસેમ્બર અને 6 ડિસેમ્બરે રમાશે. પ્રથમ વનડે રાંચીમાં, બીજી રાયપુરમાં અને ત્રીજી મેચ વિશાખાપટ્ટનમમાં રમાશે.
