મુંબઈમાં એક દુ:ખદ અકસ્માતમાં બે લોકોના મોત થયા છે. હડતાલને કારણે મુંબઈમાં લોકલ ટ્રેનોની અવરજવર ઠપ્પ થઈ ગઈ હતી ત્યારે આ અકસ્માત થયો હતો. મોટી સંખ્યામાં મુસાફરો છત્રપતિ શિવાજી મહારાજ ટર્મિનસ પહોંચ્યા હતા. સ્થિતિ એવી બની કે લોકો પાટા પર ઉતરી આવ્યા. દરમિયાન પાંચ મુસાફરો ટ્રેક પર ચાલવા લાગ્યા હતા. ત્યારે સામેથી એક લોકલ ટ્રેન આવી અને તેને ટક્કર મારી. આ દુર્ઘટનામાં બે મુસાફરોના મોત થયા હતા, જ્યારે અન્ય ત્રણ ઘાયલ થયા હતા.
આ હડતાલ સેન્ટ્રલ રેલવે મઝદૂર યુનિયન દ્વારા બોલાવવામાં આવી હતી. યુનિયન 9 જૂને મુંબ્રા અકસ્માત કેસમાં બે રેલ્વે એન્જિનિયરો સામે દાખલ કરવામાં આવેલી એફઆઈઆરનો વિરોધ કરી રહ્યું છે. તેના વિરોધમાં આ હડતાલ બોલાવવામાં આવી હતી. તમામ કર્મચારીઓ સીએસએમટીની બહાર એક થયા. જેના કારણે ઉપનગરીય રેલ્વે લગભગ અડધા કલાક સુધી સંપૂર્ણ રીતે થંભી ગઈ હતી. આ દરમિયાન ઓફિસથી પરત ફરતા લોકોની ભીડ વધવા લાગી અને લોકો સ્ટેશન પર એકઠા થવા લાગ્યા.
જ્યારે ટ્રેનો દોડતી ન હતી, ત્યારે સેન્ડહર્સ્ટ રોડ સ્ટેશન પર પાંચ મુસાફરો મુખ્ય લાઇન પર ચાલવા લાગ્યા. દરમિયાન ત્યાંથી પસાર થતી એક ટ્રેને તેમને ટક્કર મારી હતી. જેમાં હેલી મોમિયા નામનો 19 વર્ષનો યુવક માટુંગાનો રહેવાસી હતો. અન્ય 45 વર્ષીય વ્યક્તિ સૂર્યકાંત નાયક મીરા રોડનો રહેવાસી હતો. આ અકસ્માતમાં અન્ય ત્રણ ઘાયલ થયા હતા.
આ હડતાળને કારણે મોટી સંખ્યામાં રેલવે મુસાફરોને અસર થઈ હતી. અસરગ્રસ્ત રેલવે સ્ટેશનો પૈકી, મસ્જિદ બંદર, ડોકયાર્ડ રોડ, થાણે અને અન્ય ઘણા સ્ટેશનો પર લોકોને મુશ્કેલીનો સામનો કરવો પડ્યો હતો. આ દરમિયાન કુલ 30 ટ્રેનો રદ કરવામાં આવી હતી. તે જ સમયે, એટલી જ ટ્રેનો મોડી દોડી હતી. જેના કારણે અન્ય રૂટ પર પણ મુસાફરોને મુશ્કેલીનો સામનો કરવો પડ્યો હતો.
