ઓસ્ટ્રેલિયા અને ઈંગ્લેન્ડ વચ્ચે મેલબોર્ન ક્રિકેટ ગ્રાઉન્ડ પર ચોથી ટેસ્ટ મેચ રમાઈ હતી, જે માત્ર બે દિવસમાં જ પૂરી થઈ ગઈ હતી. આ મેચ જીતીને ઈંગ્લેન્ડે ઓસ્ટ્રેલિયામાં જીતના દુષ્કાળનો અંત લાવ્યો. મેચ પુરી થયા બાદ દરેક લોકો આઈસીસીના નિર્ણયની રાહ જોઈ રહ્યા હતા કે તે આ પીચને શું રેટિંગ આપે છે. હવે ICC એ સોમવારે 29 ડિસેમ્બરે MCG બોક્સિંગ ડે ટેસ્ટની પિચ રેટિંગ જાહેર કરી છે. ચોથી એશિઝ ટેસ્ટના સ્થળ મેલબોર્ન ક્રિકેટ ગ્રાઉન્ડની પિચને ‘અસંતોષકારક’ માનવામાં આવી છે અને ICC પિચ અને આઉટફિલ્ડ મોનિટરિંગ પ્રક્રિયા હેઠળ સ્થળને એક ડીમેરિટ પોઈન્ટ આપવામાં આવ્યો છે.
અમીરાત ICC એલિટ પેનલના મેચ રેફરી શ્રી જેફ ક્રોએ નિર્ણયની જાહેરાત કરી અને પીચના મૂલ્યાંકન પાછળના નિર્ણયને સમજાવ્યો. તેણે કહ્યું, “MCG પિચ બોલરો માટે ખૂબ અનુકૂળ હતી. પહેલા દિવસે 20 વિકેટ પડી હતી, બીજા દિવસે 16 વિકેટ પડી હતી અને કોઈ બેટ્સમેન અડધી સદી સુધી પહોંચી શક્યો ન હતો, તેથી માર્ગદર્શિકા મુજબ પિચ ‘અસંતોષકારક’ હતી અને સ્થળને એક ડીમેરિટ પોઈન્ટ મળે છે.”
ઈંગ્લેન્ડે ટોસ જીતીને ઓસ્ટ્રેલિયાને પ્રથમ બેટિંગ કરવાનું કહ્યું અને તરત જ ઝડપી બોલિંગ વડે દબાણ લાદ્યું. જોશ ટોંગે 45 રનમાં 5 વિકેટ ઝડપી હતી, જેનાથી ઓસ્ટ્રેલિયા 152 રનમાં ઓલઆઉટ થઈ ગયું હતું.
