શું વર્ષ 2026માં સેમસંગ સ્માર્ટફોન મોંઘા થઈ જશે? કંપનીએ મોટું આપ્યું…

સાઉથ કોરિયન ટેક કંપની સેમસંગ તેની આગામી ફ્લેગશિપ Galaxy S26 સીરીઝને લોન્ચ કરવાની તૈયારી કરી રહી છે, પરંતુ તે પહેલા કંપનીએ સ્માર્ટફોનની કિંમતોને લઈને મહત્વની હિંટ આપી છે. સેમસંગ ઈલેક્ટ્રોનિક્સના ગ્લોબલ કો-સીઈઓ અને મોબાઈલ બિઝનેસ હેડ રોહ તાઈ-મૂને સ્પષ્ટપણે કહ્યું છે કે વર્તમાન પરિસ્થિતિ પહેલા ક્યારેય બની નથી અને આવી સ્થિતિમાં સેમસંગ સ્માર્ટફોનની કિંમતોમાં વધારો ટાળવો મુશ્કેલ હોઈ શકે છે.

ટેક ઇવેન્ટ CES 2026 પહેલા વૈશ્વિક મીડિયા સાથે વાત કરતા, રોહે સ્વીકાર્યું કે સેમિકન્ડક્ટર અને મેમરી ચિપ્સની કિંમત ઝડપથી વધી રહી છે, જેની સીધી અસર આગામી પ્રીમિયમ ફોનની કિંમત પર પડશે. એટલે કે Galaxy S26 સિરીઝ સેમસંગના અત્યાર સુધીના સૌથી મોંઘા સ્માર્ટફોનમાંથી એક બની શકે છે. આ જ પ્રકારનો ટ્રેન્ડ આ વર્ષે અન્ય સ્માર્ટફોનમાં પણ જોવા મળી શકે છે.

સેમસંગ ફોનની કિંમત કેમ વધી શકે છે?

ટેક ઈન્ડસ્ટ્રી હાલમાં મેમરી સપ્લાય ક્રંચનો સામનો કરી રહી છે. કોરિયા હેરાલ્ડ અહેવાલ આપે છે કે, સામાન્ય હેતુવાળા DRAM (8Gb DDR4) ની કિંમત છેલ્લા વર્ષમાં US$1.35 થી US$9.30 સુધી વધી છે. આ લગભગ 7 ગણો વધારો છે. DRAMeXchangeના ડેટા અનુસાર, AI ઈન્ફ્રાસ્ટ્રક્ચરની જબરદસ્ત માંગને કારણે મેમરીના ભાવ રેકોર્ડ ઊંચાઈએ છે.

રોહ તાઈ-મૂને કહ્યું છે કે, ‘અમે મેમરી પ્રાઈસિંગના સૌથી મુશ્કેલ સમયગાળામાંથી પસાર થઈ રહ્યા છીએ’ અને તેની સીધી અસર નવા ફોનની કિંમત પર પડશે.