દક્ષિણ આફ્રિકા, જેણે લીગ તબક્કામાં કેટલીક નજીકની જીત નોંધાવ્યા બાદ સેમિફાઇનલમાં જગ્યા બનાવી છે, તેનો મુકાબલો મહિલા ODI વર્લ્ડ કપની અંતિમ 4માં ઇંગ્લેન્ડ સામે થશે. ઈંગ્લેન્ડની ટીમ 4 વખત વર્લ્ડ ચેમ્પિયન છે. જો સાઉથ આફ્રિકાની ટીમને કઠિન પડકાર રજૂ કરવો હશે તો તેના બેટ્સમેનોએ સારું પ્રદર્શન કરવું પડશે.
લીગ તબક્કામાં દક્ષિણ આફ્રિકાને જે બે મેચોમાં હારનો સામનો કરવો પડ્યો હતો તેમાં તેના બેટ્સમેનો નિષ્ફળ રહ્યા હતા. આ બંને પ્રસંગોએ તેની બેટિંગ સ્પિન સામે વિખેરાઈ ગઈ.
પોતાની પ્રથમ મેચમાં 69 રનમાં આઉટ થયા બાદ નિરાશ દક્ષિણ આફ્રિકાની ટીમે સારી વાપસી કરી હતી. સેમિફાઇનલમાં પહોંચવા માટે તેઓએ ન્યુઝીલેન્ડ, ભારત, બાંગ્લાદેશ, શ્રીલંકા અને પાકિસ્તાન સામે નજીકની જીત નોંધાવી હતી.
ઓસ્ટ્રેલિયા સામેની અંતિમ લીગ રમતમાં સ્પિન સામે તેમના બેટ્સમેનોનો સંઘર્ષ ફરી સામે આવ્યો, જેમાં તેઓ 24 ઓવરમાં માત્ર 97 રનમાં આઉટ થયા.
ઈંગ્લેન્ડ ફરી એકવાર આ નબળાઈનો ફાયદો ઉઠાવવાનો પ્રયાસ કરશે અને દક્ષિણ આફ્રિકાના બેટ્સમેનોને રોકવા માટે માત્ર પોતાની ઓલરાઉન્ડ તાકાત પર જ નહીં પરંતુ સોફી એક્લેસ્ટોન, લિન્સે સ્મિથ અને ચાર્લી ડીનની સ્પિન ત્રિપુટી પર પણ આધાર રાખશે.
