ઇરાને આ ક્ષેત્રમાં યુનાઇટેડ સ્ટેટ્સ અને ઇઝરાયેલની નાણાકીય સંપત્તિ પર હુમલો કરવાની ધમકી આપ્યા બાદ વૈશ્વિક નાણાકીય કંપનીઓએ પશ્ચિમ એશિયાના યુદ્ધગ્રસ્ત દેશોમાં તેમની કચેરીઓ ખાલી કરવાનું શરૂ કર્યું છે.
અત્યાર સુધી, સિટીગ્રુપ, સ્ટાન્ડર્ડ ચાર્ટર્ડ, HSBC અને ગોલ્ડમેન સૅક્સે તેમના કર્મચારીઓને હુમલાના વધતા જોખમ વચ્ચે ઘરેથી કામ કરવાની સૂચના આપી છે.
રોઇટર્સના અહેવાલ અનુસાર, ન્યૂયોર્કમાં મુખ્ય મથક ધરાવતા સિટીગ્રુપ અને લંડન સ્થિત સ્ટાન્ડર્ડ ચાર્ટર્ડે દુબઈમાં તેમની ઓફિસ ખાલી કરવાનું શરૂ કરી દીધું છે.
આ સંસ્થાઓએ તેમના કર્મચારીઓને ઘરેથી કામ કરવાની સૂચના આપી છે. રિપોર્ટ અનુસાર, યુએસ ફાઇનાન્સિયલ કંપની સિટીગ્રુપે એક મેમોમાં તેના સ્ટાફને દુબઇ ઇન્ટરનેશનલ ફાઇનાન્સિયલ સેન્ટર (DIFC) અને દુબઇના ઓડ મેથા વિસ્તારમાં ઓફિસ ખાલી કરવા કહ્યું છે.
તેમ બેંકના પ્રવક્તાએ જણાવ્યું હતું
બેંકે ખાતરી આપી કે તેની પાસે વ્યવસાય ચાલુ રાખવા માટે કટોકટીની યોજના છે. બેંકના પ્રવક્તાએ કહ્યું કે તે સ્ટાફને સુરક્ષિત રાખવા માટે પગલાં લઈ રહી છે. દુબઈ એ જેપી મોર્ગન અને એચએસબીસી જેવી મોટી આંતરરાષ્ટ્રીય નાણાકીય સંસ્થાઓ સાથેનું મુખ્ય નાણાકીય કેન્દ્ર છે. શહેરમાં ઘણી કાયદાકીય પેઢીઓ અને એસેટ મેનેજરો પણ છે.
જો કે, યુનાઇટેડ સ્ટેટ્સ-ઇઝરાયેલ-ઇરાન યુદ્ધે શહેરમાં વેપારને અવરોધ્યો છે કારણ કે સંયુક્ત આરબ અમીરાત પર પણ ઇરાન દ્વારા હુમલો કરવામાં આવ્યો છે.
