જમ્મુ: 10 માર્ચ (A) સુરક્ષા દળોએ રવિવારે જમ્મુ અને કાશ્મીરના પૂંચ જિલ્લામાં એક જંગલમાં આતંકવાદીઓના છુપાયેલા ઠેકાણાનો પર્દાફાશ કર્યો અને સાત IEDs રીકવર કર્યા અને એક વાયરલેસ સેટ જપ્ત કર્યો.
અધિકારીઓએ જણાવ્યું કે સુરનકોટ વિસ્તારના દારા સાંગલામાં એક ગુફાની અંદર છુપાયો હતો. પોલીસ અને સેનાની સંયુક્ત સર્ચ ટીમ દ્વારા તેનો પર્દાફાશ કરવામાં આવ્યો હતો.તેમણે કહ્યું હતું કે છુપાયેલા સ્થળેથી ધાબળા અને કેટલીક અન્ય વસ્તુઓ પણ મળી આવી હતી.
તેમણે કહ્યું કે કેસ નોંધવામાં આવ્યો છે અને મામલાની તપાસ કરવામાં આવી રહી છે. હજુ સુધી કોઈની ધરપકડ કરવામાં આવી નથી.
અધિકારીઓએ જણાવ્યું કે પ્રાથમિક તપાસમાં જાણવા મળ્યું છે કે આ ઠેકાણાનો ઉપયોગ બે દાયકા પહેલા વિસ્તારમાં કાર્યરત આતંકવાદીઓ દ્વારા કરવામાં આવ્યો હતો.