ચાઈના ગેસ વિસ્ફોટઃ ઉત્તરપશ્ચિમ ચીનમાં એક બાર્બેકયુ રેસ્ટોરન્ટના રાંધણ ગેસમાં ભયાનક વિસ્ફોટમાં 31 લોકોના મોત થયા હતા, જ્યારે અન્ય સાત લોકો ઘાયલ થયા હતા. ચીની અધિકારીઓએ ગુરુવારે આ માહિતી આપી.
વિસ્ફોટથી ગભરાટ સર્જાયો
ડ્રેગન બોટ ફેસ્ટિવલની રજાની પૂર્વસંધ્યાએ નિંગજિયા હુઈ સ્વાયત્ત પ્રદેશની રાજધાની યિન્ચુઆનમાં વ્યસ્ત શેરીમાં લોકો એકઠા થયા હતા, એમ સરકારી ઝિન્હુઆ સમાચાર એજન્સીએ અહેવાલ આપ્યો હતો. આ તહેવાર પર રાષ્ટ્રીય રજા હોય છે. એટલા માટે રાત્રે લગભગ આઠ વાગ્યાના અરસામાં વિસ્ફોટ થતાં હોબાળો મચી ગયો હતો. ઓનલાઈન ન્યૂઝ સાઈટ ‘ધ પેપર’એ ચેન નામની મહિલાને ટાંકીને કહ્યું કે જ્યારે તેણે વિસ્ફોટનો અવાજ સાંભળ્યો ત્યારે તે રેસ્ટોરન્ટથી લગભગ 50 મીટર દૂર હતી. મહિલાએ જણાવ્યું કે આ પછી તેણે બે કર્મચારીઓને રેસ્ટોરન્ટમાંથી જતા જોયા, જેમાંથી એક પડી ગયો. રેસ્ટોરન્ટમાંથી ધુમાડો નીકળી રહ્યો હતો અને રાંધણગેસની તીવ્ર ગંધ આખા વિસ્તારમાં ફેલાઈ ગઈ હતી.
તપાસ અધિકારી
કેન્દ્ર સરકારના ઇમરજન્સી મેનેજમેન્ટ મંત્રાલયે ગુરુવારે સવારે રેસ્ટોરન્ટમાં સર્ચ અને રેસ્ક્યુ ઓપરેશન પૂર્ણ થયાની માહિતી તેના સોશિયલ મીડિયા પર આપી હતી. મંત્રાલયે કહ્યું કે વિસ્ફોટનું કારણ જાણવા માટે તપાસ અધિકારીઓને સ્થળ પર મોકલવામાં આવ્યા છે.