આજે એટલે કે 14મી માર્ચે શેરબજારમાં ઘટાડો જોવા મળી રહ્યો છે. સેન્સેક્સ 191 પોઈન્ટ ઘટીને 72,570 પર ખુલ્યો હતો. નિફ્ટીમાં પણ 15 પોઈન્ટનો ઘટાડો રહ્યો હતો. તે 21,982 પર ખુલ્યો હતો. પ્રારંભિક ટ્રેડિંગ દરમિયાન, સેન્સેક્સના 30 શેરોમાંથી, 18 ઘટ્યા અને 12 વધ્યા.
આ શેર્સમાં સૌથી મોટો ઘટાડો જોવા મળ્યો હતો
આ ઘટાડો સમગ્ર માર્કેટમાં જોવા મળ્યો હતો. ભારે વેચવાલી દરમિયાન, સેન્સેક્સ અને નિફ્ટી જેવા મુખ્ય સૂચકાંકો દોઢ ટકા સુધી ઘટ્યા હતા, જ્યારે સ્મોલ-કેપ સૂચકાંકો 6 ટકા સુધી ઘટ્યા હતા. સ્મોલ કેપ ઇન્ડેક્સ 5 ટકા, મિડ કેપ ઇન્ડેક્સ 4 ટકા અને એસએમઇ ઇન્ડેક્સ 6 ટકા ઘટ્યો છે.
સ્ટોક સ્થિતિ
માર્કેટ ઓપનિંગ દરમિયાન લગભગ 728 શેર વધ્યા હતા જ્યારે 1752 શેર ઘટ્યા હતા. 106 શેરમાં કોઈ ફેરફાર થયો ન હતો. નિફ્ટી 50માં ITC, ICICI બેન્ક, કોટક મહિન્દ્રા બેન્ક, બજાજ ફાઇનાન્સ અને સિપ્લા ટોપ ગેઇનર હતા. જ્યારે પાવર ગ્રીસ કોર્પ, કોલ ઈન્ડિયા, અદાણી એન્ટરપ્રાઈઝીસ, એનટીપીસી અને અદાણી પોર્ટ્સ એન્ડ એસઈઝેડ નિફ્ટી 50માં મુખ્ય ઘટ્યા હતા.
ગઈકાલે ભારે ઘટાડો જોવા મળ્યો હતો
એક દિવસ પહેલા બુધવારે બજારમાં જોરદાર ઘટાડો જોવા મળ્યો હતો. આ સપ્તાહની શરૂઆતથી જ સ્થાનિક શેરબજાર દબાણ હેઠળ છે. સપ્તાહના ત્રીજા દિવસે બુધવારે સેન્સેક્સ 906.07 પોઈન્ટ (1.23 ટકા) ઘટીને 72,761.89 પોઈન્ટ પર બંધ થયો હતો.