મુંબઈઃ ભારતમાં ઈંધણનો વપરાશ મે મહિનામાં વાર્ષિક ધોરણે 9 ટકા વધ્યો છે. એક મહિના પહેલા એટલે કે એપ્રિલની સરખામણીએ, વપરાશમાં 8 ટકાનો વધારો થયો છે.
પેટ્રોલિયમ પ્લાનિંગ એન્ડ એનાલિસિસ સેલ દ્વારા ગુરુવારે જારી કરાયેલા આંકડા અનુસાર મે મહિનામાં ઈંધણનો વપરાશ 200 લાખ ટન રહ્યો હતો. મે, 2022માં વપરાશ 183.7 લાખ ટન હતો.
દેશમાં સૌથી વધુ ઉપયોગમાં લેવાતા ઇંધણ ડીઝલનું વેચાણ મે મહિનામાં 11.9 ટકા વધીને 8.21 મિલિયન ટનના સર્વકાલીન ઉચ્ચ સ્તરે પહોંચ્યું હતું. મે 2022માં ડીઝલનું વેચાણ 72.8 લાખ ટન હતું.
પેટ્રોલનું વેચાણ પણ વિક્રમી ઉંચી સપાટીએ પહોંચ્યું હતું અને મહિના દરમિયાન 10.8 ટકા વધીને 3.34 મિલિયન ટન થયું હતું જે એક વર્ષ અગાઉના સમાન સમયગાળામાં 3.01 મિલિયન ટન હતું.