રશિયન આર્મીમાં નેપાળી નાગરિકોની ભરતી કરતી ગેંગનો પર્દાફાશ

કાઠમંડુ. રશિયન આર્મીમાં ભરતી માટે નેપાળી નાગરિકોને ગેરકાયદેસર રીતે રશિયા મોકલવામાં કથિત રીતે સામેલ એક ગેંગનો પર્દાફાશ કરવામાં આવ્યો હતો અને તેના તમામ 12 સભ્યોની ધરપકડ કરવામાં આવી હતી. કાઠમંડુ ડિસ્ટ્રિક્ટ પોલીસે જણાવ્યું હતું કે આ ગેંગ રશિયન આર્મીમાં ભરતી માટે ‘વિઝિટ’ વિઝા અને અન્ય દસ્તાવેજોની વ્યવસ્થા કરવા માટે પ્રત્યેક વ્યક્તિ પાસેથી 7 થી 11 લાખ રૂપિયા વસૂલતી હતી. નેપાળ પોલીસે રશિયા-યુક્રેન યુદ્ધમાં છ નેપાળી નાગરિકોના મોત બાદ માનવ તસ્કરીની સંભવિત ઘટનાઓ સામે સાવચેતીનાં પગલાં લીધાં છે, એમ સૂત્રોએ જણાવ્યું હતું. સૂત્રોએ જણાવ્યું કે નેપાળ સરકારે રશિયાને પણ વિનંતી કરી છે કે તે નેપાળી નાગરિકોને તેની સેનામાં ભરતી ન કરે.