નવી દિલ્હી
અંડર-19 વર્લ્ડ કપ 2024માં ડિફેન્ડિંગ ચેમ્પિયન ભારતના ખેલાડીઓ સતત ચમકી રહ્યા છે. તેમની બીજી સુપર સિક્સ મેચમાં બે ભારતીય ખેલાડીઓએ નેપાળ સામે જોરદાર સદી ફટકારી હતી. મિડલ ઓર્ડર સચિન દાસ અને કેપ્ટન ઉદય સહરાને સદીની ઇનિંગ્સ રમી હતી. આ બંને બેટ્સમેનોની સદીની ઇનિંગ્સના આધારે ભારતે નેપાળની અંડર-19 ટીમ સામે 50 ઓવરમાં 4 વિકેટ ગુમાવીને 297 રન બનાવ્યા હતા. નબળા ગણાતા નેપાળને 298 રનનો ટાર્ગેટ આપવામાં આવ્યો હતો. નેપાળ તરફથી ગુલશન ઝાએ સૌથી વધુ 3 ભારતીય બેટ્સમેનોને આઉટ કર્યા હતા.
દાસ અને ઉદયે સદી ફટકારી હતી
ભારતીય અંડર-19 ટીમે ટોસ જીતીને પ્રથમ બેટિંગ કરવાનો નિર્ણય કર્યો હતો. ટીમ ઈન્ડિયાની શરૂઆત સારી રહી ન હતી. ભારતે 62ના સ્કોર પર પોતાની 3 વિકેટ ગુમાવી દીધી હતી. ઓપનર આદર્શ સિંહે 21 રન, અર્શિન સિંહે 19 રન બનાવ્યા હતા અને પ્રિયસુન મૌલ્યા 19 રન બનાવીને વહેલા પેવેલિયન પરત ફર્યા હતા. સંકટથી ઘેરાયેલી ભારતીય ટીમને કેપ્ટન અને સચિન દાસનો સાથ મળ્યો.
ચોથી વિકેટ માટે 215 રનની ભાગીદારી
ઉદય સહારન અને સચિન દાસ વચ્ચે ચોથી વિકેટ માટે 215 રનની શાનદાર ભાગીદારી થઈ હતી. સચિન દાસે 101 બોલમાં 3 સિક્સ અને 11 ફોરની મદદથી 116 રન બનાવ્યા હતા. આ સાથે જ ભારતીય કેપ્ટન ઉદય સહારને પણ સદી ફટકારી હતી અને 107 બોલમાં 9 ચોગ્ગાની મદદથી 100 રન બનાવ્યા હતા. આ વર્લ્ડ કપમાં ભારત માટે અત્યાર સુધી બે સદી ફટકારનાર મુશીર ખાને આ મેચમાં 7 બોલમાં 9 રન બનાવ્યા બાદ અણનમ રહ્યો હતો.