નવી દિલ્હી: અદાણી ટોટલ ગેસ લિમિટેડે 31 માર્ચ, 2023 ના રોજ પૂરા થયેલા છેલ્લા નાણાકીય વર્ષના છેલ્લા ત્રિમાસિક ગાળામાં ચોખ્ખા નફામાં વાર્ષિક ધોરણે 20.74 ટકા વૃદ્ધિ નોંધાવી રૂ. 97.91 કરોડ નોંધ્યો હતો. અગાઉના નાણાકીય વર્ષના સમાન ક્વાર્ટરમાં, કંપનીએ રૂ. 81.09 કરોડનો ચોખ્ખો નફો મેળવ્યો હતો. અદાણી ગ્રૂપ અને ફ્રાન્સની ટોટલ એનર્જીનું આ સંયુક્ત સાહસ વાહનોને સીએનજી અને ઘરોમાં પાઈપ્ડ ગેસનું છૂટક વેચાણ કરે છે. મંગળવારે જાહેર કરાયેલા કંપનીના ત્રિમાસિક પરિણામો અનુસાર, સમીક્ષા હેઠળના (જાન્યુઆરી-માર્ચ 2023) ત્રિમાસિક ગાળામાં કામગીરીમાંથી તેની આવક 12.37 ટકા વધીને રૂ. 1197.31 કરોડ થઈ છે, જે એક વર્ષ અગાઉના સમાન સમયગાળામાં રૂ. 1065.48 કરોડ હતી. ઓક્ટોબર-ડિસેમ્બર 2022ના ત્રિમાસિક ગાળામાં કંપનીની આવક રૂ. 1185 કરોડ હતી.