નવી દિલ્હી . કેન્દ્રીય સુરક્ષા એજન્સીઓએ એલર્ટ જાહેર કર્યું છે. પાકિસ્તાનની ગુપ્તચર એજન્સી ISI ભારતીય અધિકારીઓને હની ટ્રેપ દ્વારા ફસાવવાનું કાવતરું કરી રહી છે. સોશિયલ મીડિયા પર પાકિસ્તાની જાસૂસ મહિલાઓ ભારતીય મહિલાઓ જેવા નામો અપનાવીને સેના અને ઉચ્ચ અધિકારીઓને લલચાવી રહી છે. તાજેતરમાં પંજાબ પોલીસને બાતમી મળી હતી કે પાકિસ્તાની મહિલા ગુપ્તચર કાર્યકર્તાઓ સોશિયલ મીડિયા પર નકલી પ્રોફાઇલ બનાવીને ભારતીય સેના, વાયુસેના અને નૌકાદળના અધિકારીઓને નિશાન બનાવી રહી છે. પંજાબ પોલીસના મહાનિર્દેશકે શંકાસ્પદ પ્રોફાઇલની યાદી જાહેર કરી છે. છેલ્લા 15 દિવસમાં 325થી વધુ નકલી સોશિયલ મીડિયા આઈડી બનાવીને અધિકારીઓને હની ટ્રેપ કરવાનો પ્રયાસ કરવામાં આવ્યો છે. કેન્દ્રીય સુરક્ષા એજન્સી હજુ પણ સતત તકેદારી રાખી રહી છે. અધિકારીઓને પણ એલર્ટ આપવામાં આવ્યું છે કે જેથી તેઓ સોશિયલ મીડિયા પર હની ટ્રેપની જાળમાં ન ફસાય.