ભારતીય જનતા પાર્ટીએ લોકસભા ચૂંટણી 2024 માટે બીજી યાદી જાહેર કરી છે. જેમાં દિલ્હીની સાતમાંથી બે બેઠકો માટે પણ ઉમેદવારોની જાહેરાત કરવામાં આવી હતી. પૂર્વ દિલ્હીથી હર્ષ મલ્હોત્રા અને ઉત્તર પશ્ચિમ દિલ્હીથી યોગેન્દ્ર ચંદોલિયાને ટિકિટ આપવામાં આવી છે.
કેન્દ્રીય મંત્રી અનુરાગ ઠાકુરને હિમાચલની હમીરપુર લોકસભા સીટથી, પ્રહલાદ જોશીને ધારવાડથી, નીતિન ગડકરીને નાગપુરથી, મનોહર લાલ ખટ્ટરને કરનાલથી ઉમેદવાર બનાવવામાં આવ્યા છે.
મધ્યપ્રદેશની પાંચ બેઠકો માટે પણ ઉમેદવારોની જાહેરાત કરવામાં આવી છે. બાલાઘાટથી ભારતી પારધી, છિંદવાડાથી વિવેક બંટી સાહુ, ઉજ્જૈનથી અનિલ ફિરોઝિયા, ધારથી સાવિત્રી ઠાકુર અને છિંદવાડાથી શંકર લાલવાણીને ઉમેદવાર બનાવવામાં આવ્યા છે.
આ પણ વાંચો- બીજેપીએ જાહેર કર્યું બીજી યાદી, જુઓ કોને ક્યાંથી મળી ટિકિટ
બીજી યાદીમાં ઉત્તર પ્રદેશની હોલ્ડ સીટો માટેના ઉમેદવારોની હજુ સુધી જાહેરાત કરવામાં આવી નથી. પ્રથમ યાદીમાં 195 ઉમેદવારોના નામ જાહેર કરવામાં આવ્યા હતા. જ્યારે બીજી યાદીમાં માત્ર 72 ઉમેદવારોના નામ છે.