રવિવારે અફઘાનિસ્તાનના બદખ્શાનમાં ભારતીય પેસેન્જર પ્લેન ક્રેશ થવાના સમાચાર આવ્યા હતા.મીડિયા રિપોર્ટ્સ અનુસાર, ગઈકાલે રાત્રે બદખ્શાનના ઝેબક જિલ્લાના પર્વતીય વિસ્તારમાં ભારતીય વિમાન ક્રેશ થયું હતું. પ્રારંભિક માહિતી અનુસાર, આ પેસેન્જર જેટ પ્લેન ટોપ ખાનના પહાડી વિસ્તારોમાં ક્રેશ થયું છે.
આ સમાચાર સામે આવ્યા બાદ DGCA દ્વારા એક નિવેદન બહાર પાડવામાં આવ્યું છે. આમાં એક અધિકારીએ પુષ્ટિ કરી છે કે આ ભારતીય વિમાન નથી. ડિરેક્ટોરેટ જનરલ ઓફ સિવિલ એવિએશન (DGCA)ના વરિષ્ઠ અધિકારીના જણાવ્યા અનુસાર, બદખ્શાન પ્રાંતના કુરાન-મુંજન અને ઝિબાક જિલ્લાની સાથે તોપખાના પર્વતોમાં જે વિમાન ક્રેશ થયું તે મોરોક્કનનું રજીસ્ટર્ડ ડીએફ 10 એરક્રાફ્ટ હતું.
સમાચાર અનુસાર, પ્લેન મોસ્કો જઈ રહ્યું હતું. અફઘાન મીડિયાએ આ જાણકારી આપી છે. અફઘાનિસ્તાનની સ્થાનિક ટેલિવિઝન ચેનલ ટોલોન્યૂઝે પ્રાંતીય માહિતી અને સંસ્કૃતિ વિભાગના અધિકારીને ટાંકીને જણાવ્યું કે ઉત્તરી અફઘાનિસ્તાનના બદખ્શાન પ્રાંતમાં એક પેસેન્જર પ્લેન ક્રેશ થયું છે.