વોશિંગ્ટનઃ અમેરિકામાં ફ્લાઈટ દરમિયાન પાઈલટની તબિયત બગડી ત્યારે 68 વર્ષની પરંતુ બહાદુર મહિલા મુસાફરે પ્લેનનું ઈમરજન્સી લેન્ડિંગ કરાવીને તમામ મુસાફરોનો જીવ બચાવ્યો હતો.
આ ઘટના મેસેચ્યુસેટ્સના માર્થાના વાઈનયાર્ડમાં બની હતી, જ્યાં 79 વર્ષીય પાઈલટની હાલત ખરાબ થઈ ગઈ હતી અને મહિલાએ તરત જ પ્લેનનો કંટ્રોલ લેવાનો નિર્ણય લીધો હતો.
મેસેચ્યુસેટ્સ પોલીસના જણાવ્યા અનુસાર, જ્યારે પ્લેન ડેસ્ટિનેશનની નજીક પહોંચ્યું ત્યારે પાઈલટ ખરાબ તબિયતને કારણે ઉડાન ભરી શક્યો ન હતો, જેના પર મહિલા પેસેન્જરે ઈમરજન્સી લેન્ડિંગ કરાવ્યું હતું, જેના કારણે પ્લેનની ડાબી પાંખ વચ્ચેથી તૂટી ગઈ હતી.
પોલીસનું કહેવું છે કે પ્લેનમાંથી ઉતરેલી મહિલાને કોઈ અનુભવ ન હતો, તેને નાની ઈજા થઈ હતી અને તેને પ્રાથમિક સારવાર માટે હોસ્પિટલમાં લઈ જવામાં આવી હતી, ત્યારબાદ તે ઘરે પરત ફરી હતી.
અમેરિકામાં ફ્લાઇટ દરમિયાન પાઇલટની તબિયત બગડી, વૃદ્ધ મહિલાએ પ્લેન લેન્ડ કરીને મુસાફરોને બચાવ્યા