અમેરિકી રાષ્ટ્રપતિની સુરક્ષામાં મોટી ભૂલ, વ્હાઇટ હાઉસમાં ઘૂસ્યો વ્યક્તિ
અમેરિકી રાષ્ટ્રપતિ જો બિડેનની સુરક્ષામાં મોટી ખામીના સમાચાર છે. વ્હાઇટ હાઉસના ગેટ સાથે એક કાર જોરથી અથડાઈ, ત્યારબાદ કાર ક્રેશ થઈ ગઈ. યુએસ સિક્રેટ સર્વિસે સોમવારે આ જાણકારી આપી. ડ્રાઇવર સહિત વાહન કબજે લેવામાં આવ્યું છે. ઘટનાની તપાસ કરવામાં આવી રહી છે.
યુએસ સિક્રેટ સર્વિસના ચીફ ઓફ કોમ્યુનિકેશન્સ એન્થોની ગુગલીએલ્મીએ જણાવ્યું હતું કે સાંજે લગભગ 6 વાગ્યે એક વાહન વ્હાઇટ હાઉસ સંકુલના બહારના દરવાજા સાથે અથડાયું હતું. અથડામણનું કારણ અને રીતની તપાસ કરવામાં આવી રહી છે. જો કે, આ ઘટનાથી રાષ્ટ્રપતિ જો બિડેન માટે કોઈ ખતરો નથી. કારણ કે તે સમયે તેઓ વ્હાઇટ હાઉસમાં હાજર ન હતા. આ ઘટનાથી 15મી સ્ટ્રીટ અને પેન્સિલવેનિયા એવન્યુ પર ટ્રાફિકને અસર થઈ હતી.
નોંધનીય છે કે દારૂના નશામાં ધૂત વ્યક્તિએ ગાડી ચલાવતા જો બિડેનના કાફલાને ટક્કર મારી હતી. જો કે આ ઘટનામાં કોઈ જાનહાનિ થઈ ન હતી. આ વર્ષે અમેરિકામાં રાષ્ટ્રપતિની ચૂંટણી પણ યોજાવાની છે.