બોલિવૂડ એક્ટર અરબાઝ ખાન અને શુરા ખાને અચાનક લગ્ન કરીને તેમના ચાહકોને ચોંકાવી દીધા હતા. બંનેએ રવિવારે મુંબઈના બાંદ્રામાં અર્પિતા ખાનના ઘરે લગ્ન કર્યા હતા.
અરબાઝ ખાન અને શુરા ખાનની કેટલીક તસવીરો સામે આવી હતી, જેમાં અભિનેતા તેની પત્નીની આંખોમાં ખોવાયેલો જોવા મળ્યો હતો. બંને એકસાથે ખૂબ જ સુંદર અને ક્યૂટ લાગતા હતા.
બોલિવૂડ એક્ટર અરબાઝ ખાને પોતાના ઈન્સ્ટાગ્રામ પર નવી તસવીરો પોસ્ટ કરી છે. આ સાથે તેણે કેપ્શનમાં લખ્યું, આ તમે છો. આ હું છું. આ આપણે છીએ. જેમાં સલમાન ખાન પણ પઠાણી સૂટમાં જોવા મળી રહ્યો છે.
અરબાઝે નિકાહ સમારોહની અંદરની તસવીરો પોસ્ટ કરી છે. કાઝી બંનેના લગ્ન કરાવતા જોવા મળે છે. દુલ્હા અને દુલ્હન ખુબ ખુશ દેખાઈ રહ્યા છે. અરબાઝના માતા-પિતા, સલીમ ખાન અને સલમા ખાન, પુત્ર અરહાન ખાન તસવીરમાં જોવા મળે છે.
આ તસવીરમાં અરબાઝ ખાનનો આખો પરિવાર દેખાઈ રહ્યો છે. ફોટામાં સલમાન ખાન, અર્પિતા ખાન શર્મા, આયુષ શર્મા, અતુલ અગ્નિહોત્રી, સોહેલ ખાન, હેલન અને અન્ય ઘણા લોકો જોવા મળે છે.
ફોટોમાં અરબાઝ ખાનનો પુત્ર અરહાન ખાન જોવા મળી રહ્યો છે. તસવીરો પર યુઝર્સ તરફથી ઘણી કોમેન્ટ આવી રહી છે. ઘણા યુઝર્સ તેમને તેમના લગ્ન માટે અભિનંદન આપી રહ્યા છે.
મીડિયા રિપોર્ટ્સ અનુસાર, અરબાઝ તેની લેટેસ્ટ ફિલ્મ પટના શુક્લા પર કામ કરતી વખતે શૂરાને પહેલીવાર મળ્યો હતો. જે બાદ બંને મિત્રો બન્યા અને પછી પ્રેમમાં પડ્યા.
અરબાઝ અને શુરાના લગ્નમાં રવિના ટંડન, ફરાહ ખાન, સંજય કપૂર, રિદ્ધિમા પંડિત, રિતેશ દેશમુખ અને પત્ની જેનેલિયા દેશમુખે હાજરી આપી હતી.
અરબાઝ ખાને શૂરા સાથે બીજા લગ્ન કર્યા છે. આ પહેલા તેણે મલાઈકા અરોરા સાથે લગ્ન કર્યા હતા. મલાઈકા અને અરબાઝે વર્ષ 2017માં છૂટાછેડા લીધા હતા.
મલાઈકા અરોરા બોલિવૂડ એક્ટર અર્જુન કપૂરને ડેટ કરી રહી છે. બંને અવારનવાર સોશિયલ મીડિયા પર રોમેન્ટિક તસવીરો પોસ્ટ કરે છે.