તેહરાન. ઈરાનમાં ડ્રગ્સ રિહેબિલિટેશન સેન્ટરમાં શુક્રવારે આગ લાગી હતી. આ અકસ્માતમાં 32 લોકોના મોત થયા હતા. 16 લોકો ઘાયલ હોવાનું કહેવાય છે. જેમાંથી ચારની હાલત અત્યંત ગંભીર હોવાનું કહેવાય છે. આ ઘટનામાં માર્યા ગયેલા મોટાભાગના લોકો નશાના બંધાણી હતા. ઈરાની મીડિયા અનુસાર, લેંગરુદ શહેરમાં અફીણના પુનર્વસન કેમ્પમાં આગ લાગી હતી. તેમાં 40 લોકોને સમાવવાની ક્ષમતા છે. આ મામલે પોલીસે સેન્ટર મેનેજરની અટકાયત કરી છે. આગ લાગવાનું કારણ હજુ બહાર આવ્યું નથી. ઈરાનમાં ડ્રગ્સના કેસમાં 6 મહિનામાં 173 લોકોને ફાંસી આપવામાં આવી છે.