ભારત સહિત ઘણા દેશોમાં એવા કેટલાક સમુદાયો છે જેમાં હજુ પણ બહુપત્નીત્વની પ્રથા જોવા મળે છે. અહીં પુરૂષો એકથી વધુ મહિલાઓ સાથે લગ્ન કરી શકે છે. આજે અમે એવી જ એક વ્યક્તિ વિશે વાત કરવાના છીએ.
આજે આપણે જેના વિશે વાત કરવા જઈ રહ્યા છીએ તેણે લગ્ન કરીને વર્લ્ડ રેકોર્ડ બનાવ્યો છે. તમને જાણીને નવાઈ લાગશે કે આ વ્યક્તિએ માત્ર એક નહીં પરંતુ 39 લગ્ન કર્યા છે અને આજે આખો પરિવાર એક જ ઘરમાં રહે છે.
તમને જાણીને નવાઈ લાગશે કે દુનિયાના સૌથી મોટા પરિવારનો દરજ્જો ધરાવતો આ પરિવાર અન્ય કોઈ દેશમાં નહીં પરંતુ ભારતના મિઝોરમના બક્તોંગ તલંગનુમ ગામમાં રહે છે. આ પરિવારના વડા ઝિઓના ચનાનું 2021માં અવસાન થયું હતું અને તેણે 39 લગ્ન કર્યા હતા.
તે તેની બધી પત્નીઓ સાથે એક જ ઘરમાં રહેતો હતો. તેમને 39 પત્નીઓમાંથી 94 બાળકો અને 36 પૌત્રો છે. તે જે ઘરમાં રહેતો હતો તેમાં લગભગ 100 રૂમ હતા. તેમના ઘરનું નામ ચુઆર થાન રણ છે જેનો અર્થ થાય છે નવા જમાનાનું ઘર. આ ઘર રાજ્યનું મુખ્ય પ્રવાસી આકર્ષણ પણ છે.
રોઇટર્સ અનુસાર, ઝિઓનાનો જન્મ 1945માં થયો હતો અને તેણે 17 વર્ષની ઉંમરે તેની પ્રથમ પત્ની સાથે લગ્ન કર્યા હતા, જે તેની ત્રણ વર્ષ મોટી હતી. આ પરિવાર ચના પોલ નામના ખ્રિસ્તી સમુદાયનો છે અને તેના 2,000 અનુયાયીઓ છે. આ વ્યક્તિના દાદાએ 1942 માં સમુદાયની સ્થાપના કરી હતી અને સમુદાય બહુપત્નીત્વને મંજૂરી આપે છે.
તેમના પરિવારના દરેક સભ્યને અલગ-અલગ કામ આપવામાં આવ્યું છે. ઘરમાં એક વિશાળ રસોડું છે અને લગભગ 180 લોકોના પરિવાર માટે ભોજન તૈયાર કરે છે. અહેવાલો અનુસાર, એક પરિવાર એક દિવસમાં 45 કિલો ચોખા, 30-40 ચિકન, 25 કિલો દાળ અને ઘણા ઇંડા ખાય છે.