ઈઝરાયેલ અને હમાસ વચ્ચેનું યુદ્ધ રવિવારે તેના 23માં દિવસે પ્રવેશી ગયું છે. દરમિયાન, ઇઝરાયેલ ડિફેન્સ ફોર્સ (IDF) અને વાયુસેનાએ ગાઝા પટ્ટી પર હુમલા તેજ કર્યા છે. ઈઝરાયેલે ગાઝા પટ્ટીમાં ઈન્ટરનેટ અને કોમ્યુનિકેશનના લગભગ તમામ માધ્યમો બંધ કરી દીધા છે, જેના કારણે ત્યાં રહેતા 23 લાખ લોકો પ્રભાવિત થયા છે. તેઓએ એકબીજા અને બહારની દુનિયા સાથેનો સંપર્ક ગુમાવ્યો છે. છેલ્લા ત્રણ સપ્તાહથી ઈઝરાયેલ અને હમાસ એક બીજા પર ઘાતક દુશ્મનોની જેમ પ્રહારો કરી રહ્યા છે. આ યુદ્ધમાં મૃત્યુઆંક 9000ને પાર કરી ગયો છે. આવી સ્થિતિમાં ઈઝરાયેલના વડાપ્રધાન બેન્જામિન નેતન્યાહુએ એક મોટી વાત કહી છે. તેમણે કહ્યું છે કે આ યુદ્ધનો બીજો તબક્કો શરૂ થઈ ગયો છે. આ તબક્કો ચોક્કસપણે લાંબો અને મુશ્કેલીઓથી ભરેલો હોવાની સંભાવના છે પરંતુ આપણી સેના પાછળ હટશે નહીં. આ તો માત્ર શરૂઆત છે.