નવી દિલ્હી. દેશની રાજધાની દિલ્હીમાં ઈન્ડિગો એરક્રાફ્ટનું ઈમરજન્સી લેન્ડિંગ થયું છે. જણાવવામાં આવી રહ્યું છે કે આ ફ્લાઈટ દિલ્હીથી દેહરાદૂન જઈ રહી હતી. ટેક્નિકલ ખામીના કારણે ફ્લાઈટને દિલ્હી એરપોર્ટ પર પરત બોલાવવામાં આવી હતી. વિમાનનું એરપોર્ટ પર ઈમરજન્સી લેન્ડિંગ કરવામાં આવ્યું છે.
ટેક્નિકલ ખામીના કારણે ઈમરજન્સી લેન્ડિંગ
અધિકારીઓએ જણાવ્યું કે વિમાને સફળ લેન્ડિંગ કર્યું છે. ફ્લાઈટ નંબર 6E 2134એ દિલ્હીથી દેહરાદૂન માટે ઉડાન ભરી હતી. ત્યારપછી અચાનક એન્જીન ફેલ થતા પ્લેનને દિલ્હી એરપોર્ટ પર પરત લાવવામાં આવ્યું હતું. અગાઉ ઈમરજન્સી લેન્ડિંગનું કારણ આગ હોવાનું કહેવાયું હતું, પરંતુ એરલાઈન્સે તેને રદ કરી દીધું છે.
ડિરેક્ટોરેટ જનરલ ઓફ સિવિલ એવિએશન (DGCA) એ હજુ સુધી આ અંગે કોઈ નિવેદન બહાર પાડ્યું નથી. સૂત્રોના જણાવ્યા અનુસાર ડીજીસીએ સંપૂર્ણ તપાસ બાદ નિવેદન જારી કરી શકે છે.