કેન્દ્રીય મંત્રી નિર્મલા સીતારમણે આજે 1 ફેબ્રુઆરી, ગુરુવારે નાણાકીય વર્ષ 2024-25 માટે વચગાળાનું બજેટ રજૂ કર્યું. નાણામંત્રીના બજેટ ભાષણ બાદ સેન્સેક્સ 106 પોઈન્ટ વધીને 71,645.30 પર બંધ થયો હતો. નિફ્ટી 28 પોઈન્ટ ઘટીને 21,697.45ના સ્તરે બંધ રહ્યો હતો. જોકે, બજેટની રજૂઆત પહેલા સવારે બજારમાં સતત વધઘટ જોવા મળી હતી. આરબીઆઈની કાર્યવાહી બાદ પે-ટીએમના શેરમાં લગભગ 20 ટકાનો ઘટાડો થયો છે. અને છેલ્લે રૂ.609 પર બંધ રહ્યો હતો.
શેરબજારમાં ગઇકાલે ઉછાળો જોવા મળ્યો હતો
આ પહેલા બુધવારે (31 જાન્યુઆરી) શેરબજારમાં ઉછાળો આવ્યો હતો. સેન્સેક્સ 612 પોઈન્ટના ઉછાળા સાથે 71,752 પર બંધ રહ્યો હતો. તે જ સમયે, નિફ્ટી 203 પોઈન્ટ વધીને 21,725 પર બંધ રહ્યો હતો. સેન્સેક્સના 30 શેરોમાંથી 28 વધ્યા અને માત્ર 2 ઘટ્યા.