કોંગ્રેસે લોકસભા ચૂંટણી માટે તેના ઉમેદવારોની બીજી યાદી જાહેર કરી છે. 6 એપ્રિલ, શનિવારે પાર્ટી અધ્યક્ષ મલ્લિકાર્જુન ખડગેએ ‘કેન્દ્રીય ચૂંટણી સમિતિ’ની બેઠક બોલાવી હતી. જ્યાં તેમણે આ ઉમેદવારોના નામ ફાઇનલ કર્યા બાદ યાદી બહાર પાડી હતી.
તમને જણાવી દઈએ કે, કોંગ્રેસ દ્વારા જાહેર કરવામાં આવેલી આ યાદીમાં ગોવા, મધ્યપ્રદેશ અને દાદરની 6 સીટો માટે ઉમેદવારોની જાહેરાત કરવામાં આવી છે. જે અંતર્ગત મધ્યપ્રદેશની ગ્વાલિયર બેઠક પરથી પ્રવીણ પાઠક, મુરેનાથી સત્યપાલ સિંહ સિકરવાર અને ખંડવાથી નરેન્દ્ર પટેલને ટિકિટ આપવામાં આવી છે. આ સિવાય પાર્ટીએ દાદરા અને નગર હવેલી પર અજીત રામજીભાઈ મહાલા પર વિશ્વાસ વ્યક્ત કર્યો છે.
જ્યારે ઉત્તર ગોવાથી રમાકાંત ખલાપ અને દક્ષિણ ગોવાથી કેપ્ટન વિરિયાતો ફર્નાન્ડિસને ટિકિટ આપવામાં આવી છે. નોંધનીય છે કે, આ યાદી હેઠળ ગોવાના વર્તમાન કોંગ્રેસ સાંસદ ફ્રાન્સિસ્કો સરદિન્હાની ટિકિટ રદ કરવામાં આવી છે. આ યાદી કોંગ્રેસના ઉમેદવારોની 14મી યાદી છે.