દેશની સૌથી મોટી ખાનગી બેંક કોટક મહિન્દ્રાના ડેબિટ કાર્ડનો ઉપયોગ કરતા ગ્રાહકોને મોટો ઝટકો લાગ્યો છે. અહેવાલો અનુસાર, કોટક મહિન્દ્રા બેંકે ડેબિટ કાર્ડના વાર્ષિક ચાર્જમાં વધારો કરીને ગ્રાહકોને આ ઝટકો આપ્યો છે.
બેંક તરફથી તેમાં 30 ટકાનો વધારો કરવામાં આવ્યો છે. જોકે, કોટક મહિન્દ્રાના નવા દર 22 મેથી લાગુ થશે. કોટક મહિન્દ્રા બેંક દ્વારા ગ્રાહકોને મોકલવામાં આવેલા મેલમાં આ માહિતી આપવામાં આવી છે. જેમાં બેંકે કહ્યું કે 22 મેથી ડેબિટ કાર્ડ પર વાર્ષિક ફીમાં ફેરફાર થશે.
આ અંતર્ગત તેને 199 પ્લસ GST થી વધારીને 259 પ્લસ GST કરવામાં આવશે. જેના કારણે ગ્રાહકોને હવે 60 રૂપિયા વધુ ચૂકવવા પડશે. કોટક મહિન્દ્રા બેંક દ્વારા તેના ગ્રાહકોને અનેક પ્રકારની સુવિધાઓ ઉપલબ્ધ કરાવવામાં આવે છે.