આ ઘટના રાજસ્થાનના સિરોહી જિલ્લાના આબુ રોડ શહેરના કેસરગંજ વિસ્તારમાં બ્રહ્મપુરી કોલોની પાસે બની હતી. ડીવાયએસપી અચલ સિંહે જણાવ્યું કે, આબુ રોડ શહેરના કેસરગંજ વિસ્તારમાં બ્રહ્મપુરી કોલોની પાસે ગટરનું કામ ચાલી રહ્યું હતું, જ્યાં ચાર કામદારો ચેમ્બરમાં પાઇપલાઇન કનેક્શનનું કામ કરી રહ્યા હતા. આ દરમિયાન અચાનક માટી અંદર ખાબકી હતી અને ચારેય કામદારો તેની નીચે દટાઈ ગયા હતા. ઘટનાની જાણકારી મળતા જ પોલીસકર્મીઓ અને આસપાસના લોકો ઘટના સ્થળે પહોંચી ગયા હતા. ઘણી મહેનત બાદ કાદવમાં દટાયેલા મજૂરોને બહાર કાઢીને હોસ્પિટલ લાવવામાં આવ્યા હતા.
કંપનીએ શર્માજીને આ કામ સોંપ્યું હતું. નિયત સલામતી માપદંડોની અવગણના સ્થળ પર જ પ્રકાશમાં આવી છે. કેસની તપાસ ચાલી રહી છે.