ઓસ્ટ્રેલિયન શિક્ષણ મંત્રી અને સાંસદ જેસન ક્લેર સાથે કેન્દ્રીય શિક્ષણ અને કૌશલ્ય વિકાસ અને ઉદ્યોગ સાહસિકતા મંત્રી ધર્મેન્દ્ર પ્રધાને મંગળવારે ગાંધીનગરમાં વોલોન્ગોંગ અને ડેકિન યુનિવર્સિટીના નવા બનેલા કેમ્પસની મુલાકાત લીધી હતી. તેમને કેમ્પસની પ્રગતિ અને ભાવિ યોજનાઓ વિશે માહિતગાર કર્યા હતા. મંત્રીઓએ આરંભ (ધ બિગિનિંગ) નામના કાર્યક્રમમાં ભાગ લીધો હતો. જેમાં ગિફ્ટ સિટીમાં આવેલા કેમ્પસના ઉદ્ઘાટનની ઔપચારિક જાહેરાત કરવામાં આવી હતી..
ભારતીય ભૂમિ પર વિદેશી યુનિવર્સિટીઓ ખોલવી એ શિક્ષણના આંતરરાષ્ટ્રીયકરણના રાષ્ટ્રીય શિક્ષણ નીતિના વિઝનને અનુરૂપ છે. આરંભ કાર્યક્રમે આંતરરાષ્ટ્રીય શૈક્ષણિક પરિદ્રશ્યમાં નોંધપાત્ર સીમાચિહ્નરૂપ સિદ્ધિ હાંસલ કરી છે. ડેકિન યુનિવર્સિટી અને યુનિવર્સિટી ઓફ વોલોંગોંગના વાઇસ ચાન્સેલરોએ કોવિડ-19 રોગચાળા જેવા પડકારજનક સમયમાં પણ ભારત અને ઓસ્ટ્રેલિયા વચ્ચેના દ્વિપક્ષીય સંબંધોમાં પ્રગતિમાં નોંધપાત્ર ઉછાળો દર્શાવતા બંને દેશો વચ્ચેની ભાગીદારીના મહત્વ પર ભાર મૂક્યો હતો. તેમણે ભારતમાં કેમ્પસ ખોલવાથી શરૂ થતા અભ્યાસક્રમો સહિત ભાવિ યોજનાઓ શેર કરી હતી..
આ પ્રસંગે, ધર્મેન્દ્ર પ્રધાને વિદ્યાર્થીઓ અને શૈક્ષણિક સમુદાયને નવા ‘આરંભ’ માટે અભિનંદન પાઠવ્યા હતા. તેમણે કહ્યું હતું કે દેશમાં વિદેશી યુનિવર્સિટી કેમ્પસ ભારતમાં અભ્યાસની સુવિધા આપશે અને એનઈપી 2020 માં કલ્પના કર્યા મુજબ જીવંત, વૈવિધ્યસભર અને સમાવિષ્ટ શૈક્ષણિક વાતાવરણ પણ બનાવશે. ધર્મેન્દ્ર પ્રધાને ઉલ્લેખ કર્યો હતો કે તકોની ભૂમિમાં આ બે યુનિવર્સિટીના કેમ્પસ ખોલવા – ગિફ્ટ સિટી એ વિદ્યાર્થી સમુદાય માટે એક ‘ભેટ’ છે. તેમણે એમ પણ કહ્યું હતું કે વિશ્વના વિવિધ ભાગોમાંથી વિદ્યાર્થીઓ અને શિક્ષકો આવા પ્રયાસો દ્વારા સાથે મળીને કામ કરશે, અભ્યાસ કરશે અને વિકાસ કરશે..
તેમણે જણાવ્યું હતું કે, આ પરિવર્તનકારી નીતિ ‘ઘર પર આંતરરાષ્ટ્રીયકરણ’ પર ભાર મૂકે છે, જેનો ઉદ્દેશ્ય આપણા પોતાના દેશમાં જીવંત, વૈવિધ્યસભર અને સમાવેશી શૈક્ષણિક વાતાવરણ બનાવવાનો છે. બપોર પછી, બંને મંત્રીઓએ ‘રિસર્ચ ડાયલોગઃ ન્યૂ હોરાઇઝન્સ ઇન રિસર્ચ કોલાબોરેશન’ કોન્ફરન્સને સંબોધિત કરી હતી. આ પરિષદનો ઉદ્દેશ સફળ સંશોધન ઇકોસિસ્ટમમાં દ્વિપક્ષીય સહયોગને વધુ ગાઢ બનાવવા માટે નવીન તકોની ઓળખ કરવાનો હતો. આ કોન્ફરન્સમાં ઓસ્ટ્રેલિયન પ્રતિનિધિમંડળ અને ભારતની અગ્રણી ઉચ્ચ શિક્ષણ અને સંશોધન સંસ્થાઓના વરિષ્ઠ પ્રતિનિધિઓ પણ ઉપસ્થિત રહ્યા હતા..
કેન્દ્રીય શિક્ષણ મંત્રીએ ભારત અને ઓસ્ટ્રેલિયા વચ્ચે દ્વિપક્ષીય સંશોધન સહયોગને મજબૂત કરવા માટે નવી તકો વધારવાના ઉદ્દેશ્યથી ‘સંશોધન સંવાદ’માં વાત કરી હતી. તેમણે કહ્યું કે ઓસ્ટ્રેલિયા અને ભારત બંને પરસ્પર સમૃદ્ધિ અને વૈશ્વિક કલ્યાણ માટે સંશોધનને પ્રોત્સાહન આપવા માટે પ્રતિબદ્ધ છે. બંને મંત્રીઓ ઇન્ડસ્ટ્રી એજ્યુકેશન પાર્ટનરશીપ પર શિક્ષણવિદો અને ઉદ્યોગના નેતાઓને મળ્યા હતા, જ્યાં શિક્ષણ-ઉદ્યોગ સંબંધોને મજબૂત કરવા, યુનિવર્સિટી ભાગીદારી દ્વારા ઉદ્યોગને લાભ, સંશોધન અને વિકાસ સહયોગ વગેરે પર ચર્ચા કરવામાં આવી હતી.