ચીનથી એક મોટા સમાચાર સામે આવી રહ્યા છે. મળતી માહિતી મુજબ, સોમવારે મોડી રાત્રે ગાંસુ પ્રાંતમાં આવેલા શક્તિશાળી ભૂકંપમાં સેંકડો લોકોના જીવ ગયા. ભૂકંપની તીવ્રતા રિક્ટર સ્કેલ પર 6.2 માપવામાં આવી છે. ભૂકંપ અંગે ચાઈના અર્થક્વેક નેટવર્ક સેન્ટર (CENC)એ જણાવ્યું કે સોમવારે રાત્રે 23:59 વાગ્યે ઉત્તર-પશ્ચિમ ચીનના ગાંસુ પ્રાંતમાં લોકોએ તીવ્ર ભૂકંપના આંચકા અનુભવ્યા. ચીનના સરકારી મીડિયાના અહેવાલમાં જણાવવામાં આવ્યું છે કે ગાંસુ અને કિંઘાઈ પ્રાંતમાં 6.2ની તીવ્રતાના ભૂકંપના કારણે ઓછામાં ઓછા 111 લોકોએ જીવ ગુમાવ્યા છે. જ્યારે 230થી વધુ લોકો ઘાયલ થયા છે. વિસ્તારમાં રાહત કાર્ય ઝડપથી ચાલી રહ્યું છે. મૃત્યુઆંક વધી શકે છે. સમાચાર એજન્સી ANI દ્વારા આપવામાં આવેલા સમાચાર અનુસાર, ભૂકંપના કારણે અત્યાર સુધીમાં 111 લોકોના મોત બાદ રાષ્ટ્રપતિ શી જિનપિંગે ‘ઓલ-આઉટ’ ઓપરેશનની જાહેરાત કરી છે.
સૌથી વધુ નુકસાન ક્યાં થયું?
ભૂકંપને લઈને ગાંસુના પ્રાંતીય ઈમરજન્સી મેનેજમેન્ટ વિભાગ દ્વારા આપવામાં આવેલી માહિતી અનુસાર, ભૂકંપની તીવ્રતા એટલી મજબૂત હતી કે આંચકાના કારણે ઘણી ઇમારતો ધરાશાયી થઈ ગઈ હતી. ચીનના સરકારી મીડિયાના અહેવાલ મુજબ, ગાંસુ અને કિંઘાઈ પ્રાંતમાં 6.2ની તીવ્રતાના ભૂકંપમાં ઓછામાં ઓછા 111 લોકોએ જીવ ગુમાવ્યા છે. મીડિયા રિપોર્ટ્સ અનુસાર, ભૂકંપના કારણે સૌથી વધુ નુકસાન કાઉન્ટી અને ડિયાઓજી તેમજ કિંઘાઈ પ્રાંતમાં થયું છે. અહીં અનેક ઈમારતો ધરાશાયી થઈ ગઈ છે અને લોકો કાટમાળ નીચે દટાઈ ગયા છે. અહીં રાહત કાર્ય તેજ ગતિએ ચાલી રહ્યું છે.
ભૂકંપનું કેન્દ્ર ક્યાં હતું?
CENCએ જણાવ્યું કે ભૂકંપનું કેન્દ્ર 35.7 ડિગ્રી ઉત્તર અક્ષાંશ અને 102.79 ડિગ્રી પૂર્વ રેખાંશમાં 10 કિલોમીટરની ઊંડાઈએ હતું. શિન્હુઆના અહેવાલમાં જણાવાયું છે કે રાહત કાર્યમાં ઘણા સરકારી મેનેજરો તૈનાત કરવામાં આવ્યા છે. રાહત અને બચાવ કાર્ય તેજ ગતિએ ચાલી રહ્યું છે.